(Pyetja Nr. 709) Vilson / 01-03-2010

Message: eselam ualejkum. Te nderuar vellezer musliman, pike se pari Allahu jua shperblefte per hapjen e kesaj faqeje selefije dhe ua shtofte dijen dhe u dhente sukses! Pyetja ime ishte kjo: A eshte i sakte ky hadith: kostandinopoja do clirohet dhe sa i lumtur eshte ai komandant dhe sa e lumtur eshte ushtria e tij."? Nese po, a eshte i percaktuar qe te kete qene mehmet fatihu qe cliroi stanbollin? Allahu jua shperblefte.

/ 02-03-2010

Hadithi i permendur ne pyetje transmetohet nga Imam Ahmedi, ne Musnedin e tij dhe nga elHakim ne el Mustedrak, por hadithi eshte i dobet dhe i paqendrueshem, sic e permend edhe shejh Albani ne "Daiful Xhami el Kebijr", me nr. 4655. Per Kosntandinopojen kane ardhur disa hadithe, mes te cilave ka edhe te sakta, por interpretimi i tyre sipas ngjarjeve historike nuk mund te behet me siguri, sepse ka gjera qe historia i perserit dhe nuk dihet me siguri cila prej atyre ngjarjeve eshte per qellim. Allahu eshte i Gjithedijshmi.

(Pyetja Nr. 708) Agim / 27-02-2010

Message: Es Selamu Alejkum Ue Rahmetull-llahi Ue Bereketuh.
Vëlla i dashur Bledar, sot më ka rastisur të bisedoj me një hoxhë i cili është i zhytur në bidate, një kohe të gjatë i kam ikur kësaj bisede apo këtij debati për  shkak të këqijave që mund të dilnin nga ky debat por sot erdhi ne shprehje mbrojtja e nderit të dijetarëve tane selefij , mbrojtja e nderit tim dhe familjes sime kështu që nuk durova dot e me ndihmën e All-llahut, me lehtësimin qe me bëri All-llahu i Lartësuar e bëra që ai të ndalët dhe të mendoj para se t’i fyej apo t’i ofendoj dijetarët tane bashkëkohor të cilët me ndihmën e All-llahut e ringjallën sunnetin e shëndosh të profetit Muhammed [s.a.v.s] dhe të shokëve të tij të ndershëm e All-llahu qoft i kënaqur me ta.Vetëm ta shihje vëlla se si kur unë permendja fjalët si : Hadith, ehli sunnet, ka thëne i dërguari i All-llahut [s.a.v.s] etj. I vinte më vështir se ta godisja.
1. Vëlla, nëse disa njerëz si ky psh shpifin ndaj meje dhe familjes time pa asnje argument por vetëm e vetëm që ta nënçmojn ( pengojn ) dauuetin Selefij, a kam të drejt që mos t’ia fali kurr këtij njeriu përderisa nuk e pranon gabimin e tij ose kur e di se ky nuk e ka nga padija apo injoranca??? –
2. a) Nëse ke mundësi vëlla shënoma argumentin që profeti [s.a.v.s]  dhikrin e ka bërë menjëher pas farzit  dhe mënyrën se si e ka bërë: ( i ka bërë së pari tesbih All-llahut e pastaj suren ihlas , felek dhe en Nas, i ka thënë nga një herë apo nga tri herë dhe në fund ajetin e kursijjës apo ndoshta ndryshe). b) dhe se sunnetin e ka falur në shtëpin e tij ( disa thonë që ai [s.a.v.s] e ka falur në shtëpi por shtëpia e tij ishte xhamia  ) c. dhe se nuk bën të falet sunneti menjëher pas farzit pa patur ndërprerje. All-llahu t’a lehtësoftë çështjen vëlla !

/ 02-03-2010

1. Lejohet bojkoti i bidatciut perderisa therret ne bidatin e tij, por duhet patur kujdes qe ky bojkot te mos jete per tjeter arsye, pervec per Hir te Allahut dhe jo per ceshtje personale.

2. Te gjithe dijetaret e te gjithe medhhebeve, pervec atyre te medhhebit hanefi, thone se dhikri behet pas namazit farz, dhe se te gjitha hadithet qe kane ardhur per te treguar dhikrin e profetit pas namazit, kane per qellim namazin farz dhe jo ate sunnet. Ne pyetjen para kesaj i permendem disa hadithe qe i transmeton Buhariu, ku profeti (salallahu alejhi ue selem) e bente dhikrin pas namazit farz. Ne fakt, renditja e lutjeve dhe fjaleve qe thuhen ne dhikrin pas namazit nuk kane ardhur ne nje hadith te vetem, te gjitha se bashku, por nga bashkimi i disa haditheve, mund te behet renditja, e cila edhe nese ndryshon disi, nuk ka ndonje problem, sepse te gjitha jane sunnete qe jane percjelle nga Profeti (salallahu alejhi ue selem). Ndoshta renditja me e mire e dhikrit pas namazit do te ishte kjo: Menjehere pas namazit thua: "Allahumme entes selamu ue minkes selam, tebarekte ja dhel xhelali uel ikram", pastaj thua: "La ilahe il-lallahu uahdehu la sherike leh, lehul mulku ue lehul hamdu, ue huve ala kuli shejin kadijr. Allahumme la mania lima eatajte ue la muatije lima meneate, ue la jenfau dhel xheddi, minkel xheddu", sic vepronte profeti pas cdo namazi farz, ne hadithin e nxjerre nga Buhariu me numer 844. Pastaj ben tesbihet "subhanallah, elhamdulilaj, Allahu ekber" nga 33 here, dhe i ploteson njeqind me lutjen: "La ilahe il-lallahu uahdehu la sherike leh, lehul mulku ue lehul hamdu, ue huve ala kuli shejin kadijr." Pastaj lexon ajetin kursij dhe tre suret e fundit te Kuranit nga nje here ne namazin e drekes, ikindise dhe jacise, dhe nga tre here ne namazin e sababut dhe te akshamit (vetem 3 suret e fundit te Kuranit i thua nga tre here). Ne keto dy namaze shton edhe dy ajetet e fundit te sures elBekare, pas leximit te ajetit elKursij.

Profeti (salallahu alejhi ue selem) i falte sunetet ne shtepine e tij dhe shtepija e tij nuk ka qene xhami ne asnje menyre, edhe pse ka qene e ngjitur me xhamine, por edhe nese do te ishte me larg, ai njesoj do te vepronte, sepse vepra e tij eshte shembull per te tjeret dhe jo e paqellimshme. Pervec kesaj, kane ardhur hadithe te shumta ku profeti (salallahu alejhi ue selem) urdheron qe te falen sunetet ne shtepi, me qellim qe shtepite te mos kthehen ne varreza ku nuk falet namaz, dhe me qellim qe femijet apo njerezit e shtepise te mesojne nga babai i tyre dhe nga burri i shtepise. Po keshtu, falja ne shtepi ka bereqetin e vet, hyrjen e engjejve ne shtepi dhe largimin e shejtanit, e te tjera te mira nga miresia e Allahut te Madheruar.

Ne nje hadith te permendur nga Buhariu, thuhet se imami nuk ben te fale namaz vullentar ne vendin ku ka falur namazin farz, por duhet te levize nga ai vend. Kurse argumentet per ndarjen e suneteve nga farzet jane ato qe permendem dhe se ashtu eshte suneti i profetit (salallahu alejhi ue selem) dhe me e mira ne rastin ku je i lire te zgjedhesh per te vepruar, dmth kur e ke kohen dhe deshiron t'i besh tesbihet dhe te falesh sunetet sipas menyres me te plote. E Allahu e ka ne Dore suksesin dhe vetem Ai te drejton ne rrugen e Drejte! Paqja dhe bekimet e Allahut qofshin mbi te Derguarin tone, Muhamedin, familjen e tij, shoket e tij dhe te gjithe ata qe ndjekin rrugen e tij deri ne diten e Kiametit!

Ardian / Itali / 25-02-2010

Message: All-llahu jua sperblefte per pergjigjet e sakta e te prera qe jepni pasi vlejne shume dhe per muslimanet qe jetojne ne vende jomuslimane por qe jane te interesuar per mesimin e diturise islame! Selamun alejkum.

(Pyetja Nr. 707) Anonim / Kosovë / 24-02-2010

Message: Selam alejkum;
Transmetohet nga Ibni Abasi r.a I cili ka thene: "E di qe namazi I Pejgamberit s.a.v.s kryhej me tekbir (dhiker) (transmeton Buhariu, Hadithi 842, Sahih Buhari 2)
Na ka treguar Is-hak b. Nasri, ketij Abdu-r-rezaku, ketij Ibnu Xhurejxhi, ketij Amri, se Ebu Ma,bedi, robi I liruar I Ibni Abasit, e ka informuar “qe ngritja e zerit gjate dhikrit, kur ta kryej masa namazin e detyrueshem, ka qen qysh ne kohen e Pejgamberit s.a.v.s.
Si duhet kuptuar keto hadithe? A perkrahin keto hadithe xhematin tone te ashtuquajtur hanefi, qe e bejn dhikrin jo mbas namazit farz por mbas namazeve sunnet dhe me kolektiv?

/ 02-03-2010

Buhariu, ne Sahihun e tij, i ka permendur keto dy hadithe nen temen: "Dhikri pas namazit farz". Teksti i hadithit te pare sipas rradhes, ne sahihun e Buhariut, i cili eshte i dyti ne pyetje, eshte keshtu: "Meabedi, i liruari i Iben Abasit, i ka treguar Amrit se Iben Abasi (radiallahu anhuma) i kishte treguar ketij, se ngritja e zerit duke bere dhikrin (tesbihet) pasi njerezit perfundonin namazin farz, ekzistonte ne kohen e profetit (salallahu alejhi ue selem)." Iben Abasi ka thene: "Kur degjoja kete, e mesoja se namazi farz kishte mbaruar." [Buhariu, 841].

Kurse teksti i hadithit tjeter eshte keshtu: Iben Abasi (radiallahu anhuma) ka thene: "Une e merrja vesh mbarimin e namazit te profetit (salallahu alejhi ue selem) nga tekbiri (tesbihet)." [Buhariu, 842].

Me pas Buhariu sjell dy hadithe te tjera, me numer 843 dhe 844, ku ne te parin profeti (salallahu alejhi ue selem) i meson sahabet e tij per dhikrin qe behet pas namazit farz, pasi i erdhen te varfrit dhe iu ankuan se merrnin me pak sevape nga te pasurit qe jepnin sadaka, kurse keta jo, dhe profeti u tha qe pas cdo namazi farz te thone nga 33 here "subhanallah", "elhamdulilah", "Allahu ekber". Dhe ne te dytin thuhet se profeti (salallahu alejhi ue selem), pas cdo namazi farz thoshte: "La ilahe il-lallahu uahdehu la sherike leh, lehul mulku ue lehul hamdu, ue huve ala kuli shejin kadijr. Allahumme la mania lima eatajte ue la muatije lima meneate, ue la jenfau dhel xheddi, minkel xheddu."

Nga hadithet e Iben Abasit kuptohet se ai, ose ka qene i vogel dhe nuk falej me xhematin e profetit (salallahu alejhi ue selem), keshtu qe kur degjonte burrat e xhamise te ngrenin zerin me tesbihe, e merrte vesh se namazi kishte mbaruar. Ose ka shkuar me vonese ne namaz dhe kur degjonte tesbihet, e mesonte se namazi kishte mbaruar. Ose falej ne safat e fundit dhe nuk e degjonte profetin te jepte selam, por vetem kur degjonte burrat te ngrinin zerin me tesbih, e merrte vesh se profeti kishte dhene selam, dhe keshtu jepte selam edhe ai.

Sido qe te kete qene, kjo nuk eshte argument assesi qe tesbihet te behen ne grup, por kjo tregon vetem se ne fillim, kur ishte qellimi per t'i mesuar sahabet tesbihet dhe dhikrin pas namazit, ata e ngrinin zerin secili me vete, dhe jo ne grup, sepse ne grup nuk eshte percjelle kurre nje gje e tille, madje edhe per ngritjen e zerit secili me vete duke bere tesbihet pas namazit farz, dijetaret thone se kjo mund te kete qene vetem nje kohe te shkurter me qellim te mesimit, por qe me pas nuk u krye me, dhe secili e bente dhikrin me vete nen ze. Kjo kuptohet edhe nga hadithi i Iben Abasit, i permendur me siper, ku sipas tij, ngritja e zerit me tesbihet nga njerezit, secili me vete, ka qene bere nje fare kohe kur profeti ishte gjalle, por qe ne kohen kur ai e tregon kete gje, ajo nuk behej me nga muslimanet qe faleshin ne xhami. Dhe kjo eshte dicka e percjelle unanimisht per formen e namazit dhe te dhikrit pas namazit, dhe kete e permedin te gjitha librat e hadithit dhe te fikhut: qe tesbihet dhe dhikri behen pas namazin farz, secili prej musalineve i ben vete, nen ze, ose me pak ze, sa per te degjuar veten apo edhe nese ka per qellim t'ja mesoje dikujt qe e ka perkrah dhe eshte i ri ne xhami, dhe assesi nuk behet dhikri pas namazit ne xhemat dhe as me imam (i cili ne kete rast eshte muezini apo ai qe i paraprin te tjeret ne berjen e tesbiheve), sepse kjo eshte nje veper e shpikur ne fe, qe nuk ka qene ne kohen e profetit dhe as te sahabeve te tij, apo ne brezat e pare te muslimaneve.

Ne librat e fikhut hanefi permendet falja e suneteve menjehere pas namazit farz, dhe se sipas tyre kjo eshte me e preferuar dhe ka me shume sevape, edhe pse per kete nuk kane argument nga suneti, dhe ata preferojne t'i bejne tesbihet (dhikrin pas namazit) pas suneteve, por askund nuk thuhet se tesbihet behen ne grup dhe me imam, gje te cilen edhe vete ata e konsiderojne bidat dhe shpikje ne fe. Kjo berje e tesbiheve me imam, me siguri qe eshte marre nga sektet e ndryshme, siç eshte ai i sufive per shembull, tek te cilet eshte i njohur dhikri ne menyre te tepruar e te qarte, gje me te cilen nga humbur dhe jane larguar nga rruga e drejte, nga feja e paster e Allahut dhe nga suneti i te Derguarit te Allahut (salallahu alejhi ue selem).

Por sidoqofte, ne i keshillojme te rinjte muslimane qe te jene te matur, sidomos me te moshuarit prej atyre qe thone se jane hanefi, te flasin me urtesi dhe edukate, ashtu si i ka hije muslimanit dhe te mos i harrojne moralet islame ne dialogun me kundershtarin, perderisa secili bazohet ne argumente dhe jo ne logjiken e tij. E Allahu e ka ne Dore suksesin dhe vetem Ai te drejton ne rrugen e Drejte! Paqja dhe bekimet e Allahut qofshin mbi te Derguarin tone, Muhamedin, familjen e tij, shoket e tij dhe te gjithe ata qe ndjekin rrugen e tij deri ne diten e Kiametit!

(Pyetja Nr. 706) Abdullah / Kosovë / 17-02-2010

Message: Es Selamu Alejkum. Kam disa pytje:
- Cili eshte argumenti se larja e xhenazes ta prish abdesin?
- A eshte e vertet se cdo musliman e ka te oliguar me i la deri ne tri xhenaze?
- A ben qe grate te viziojn varrezat dhe cili eshte argumenti?
- Çka eshte hadithi i dobt (nuk e ka thene sahabiu por i eshte mveshur atij, e ka thene por eshte ndryshuar, ka gabuar pasi cdo njeri eshte i gabueshem apo ndoshta edhe e ka shpikur) ?
- Prej medhe'hebeve qe jane duhet t'i marrim vetem ato te vertetet dmth qe mbeshteten ne argumente, mirepo cfar mund te marrim prej ketyre qe thojne se po e pasojn Ebu Hanifen (Al-llahu e meshirofte!) kur gati gjith cka bejne e kane gabim. Per kete Imam thuhet se namazin e sabahut e ka fal me abdesin e jacis gje qe une nuk e besoj por edhe nuk me pelqen se edhe po te jet e vertet kjo nuk osht prej sunnetit pasi qe ne jemi te urdheruar te jemi mesatar ne fe. Ku gaboi ky Imam apo ndoshta transmetimet e sakta te ketij Imami nuk na kan mberritur neve, ndoshta keta hanefite e sotit ne te vertet nuk po e pasojn kete imam por epshet e tyre?

/ 20-02-2010

- Me e sakta nga fjala e dijetareve eshte se larja e xhenazes nuk e prish abdesin, pervec nese prek organet gjenitale te te vdekurit ne menyre te drejtperdrejte pa cope. Por eshte e preferuar qe personi qe lan te vdekurin, te marre gusel pas kesaj, kurse ai qe mbart xhenazene, preferohet te marre abdes pas mbartjes se saj, siç ka ardhur ne hadithin e transmetuar nga Ebu Hurejra (radiallahu anhu), se i Derguari i Allahut (salallahu alejhi ue selem) ka thene: "Kush lan te vdekurin, te lahet dhe kush e mbart ate, te marre abdes." [Hadith Sahih. Ebu Daudi, Tirmidhiu, etj.]

- Sigurisht qe nuk eshte e detyrueshme qe çdo musliman te laje deri ne tre xhenaze. Kjo eshte fjale e pabazuar ne fe dhe nuk qendron ne asnje menyre. Larja e xhenazes eshte nje detyrim kolektiv, qe mjafton ta bej dikush prej te afermve te vdekurit, apo dikush tjeter, dhe te tjeret nuk kane asnje detyrim per kete.

- Shumica e dijetareve e kane ndaluar qe grate te vizitojne varrezat, sepse i Derguari i Allahut (salallahu alejhi ue selem) ka thene: "Allahu i mallkofte ato gra qe vizitojne varrezat!" [Hadith Sahih. E ka nxjerre Ahmedi]. Dhe sepse grate jane te ndjeshme nga natyra e tyre dhe mundet qe te preken dhe te mos durojne, duke ngritur zerin e duke qare ne varreza, apo duke kryer veprime te tjera. Kurse per burrat eshte lejuar vizita e varrezave pasi qe edhe per ta ishte ndaluar ne fillim te Islamit, por me pas ju lejua kjo gje, siç ka ardhur ne hadithin e nxjerre nga Muslimi, e te tjere, ku i Derguari i Allahut (salallahu alejhi ue selem) thote: "Ju kisha ndaluar nga vizita e varrezave, por tani vizitoni ato, sepse ato ju kujtojne boten tjeter."

- Te gjitha hadithet qe nuk jane te sakta (sahih) apo te mira (hasen), jane te dobta (daif), qofte nese kjo dobesi qendron te transmetuesit (gjendja e tyre-a jane te besueshem apo jo, a mbajne mend apo jo, a genjejne apo jo, e keshtu), shkeputja e zinxhirit te tyre, apo ndonje defekt i fshehur apo detaj i padukshem ne pamje te pare por qe ndikon ne saktesine e hadithit, qofte ky defekt apo detaj ne zinxhirin e transmetuesve apo ne tekstin e hadithit.

- Medhhebi i Imam Ebu Hanifes (Allahu e meshirofte!) eshte percjelle i plote dhe eshte perpunuar nga dijetaret e medhhebit hanefi, dhe ai eshte i shkruar ne librat e dijetareve te ketij medhhebi qe ka te beje me jurisprudencen Islame, Fikhun dhe bazat e tij. Kurse ithtaret e ketij imami apo te ketij medhhebi mund te veprojne gjera qe nuk ekzistojne fare ne ate medhheb, ose nga injoranca, siç ndodh me popullin e thjeshte, ose nga ndjekja e epsheve dhe devijimit nga rruga dhe qellimi i drejte, siç ndodh me ata qe kane dije prej tyre. Ne fakt, shume ndjekes te grupeve te humbura ne Islam, siç jane maturidite, kadianite, fatimite, nekshabendite, etj, kane gjetur strehe pikerisht ne kete medhheb, edhe pse ai ne origjine eshte medhheb Fikhu dhe jo Akide, por ndoshta nga qe i jepet shume perparesi logjikes ne kete medhheb, ata jane strehuar ne strehen e tij per te mbjelle helmin e tyre ne mesin e muslimaneve te thjeshte, duke u mbuluar me petkun e ketij medhhebi. Pra, ne nuk flasim kunder medhhebit hanefi si medhheb apo si nje prej shkollave te jurisprudences Islame, sepse kjo ka te beje e gjitha me Fikhun dhe bazat e tij, ne te cilat ka vend per tolerim dhe diskutim sipas argumeteve dhe menyres se kuptimit te tyre, por ne themi se ne emer te ketij medhhebi jane bere shume abuzime me fene dhe me muslimanet e thjeshte, duke i mveshur gjera te paqena dhe te devijuara nga mesimet e Islamit te paster, ketij medhhebi dhe imameve te tij. Jo çdo gje qe thone te ashtuquajturit hanefi te sotem, eshte prej medhhebit hanefi, por prej vete atyre dhe ndjekjes se epsheve dhe interesave te tyre. Eshte e vertete se dijetaret dhe ithtaret e medhhebit hanefi ne veçanti jane shquar per fanatizem te paprecedent ndaj medhhebit te tyre, dhe kjo eshte diçka negative, qe nuk i shkon per shtat dijetareve te Islamit, i cili baze ka Kuranin dhe Sunetin, dhe jo nje medhheb apo dijetar medhhebi te caktuar, sepse nuk ka njeri te plote e te pagabueshem, perveç te Derguarve te Allahut (Paqja dhe bekimet e Allahut qofshin mbi te gjithe ata!), kurse njerezit e tjere qe te gjithe gabojne, kush me pak e kush me shume, prandaj edhe ne jemi urdheruar qe te shkojme pas argumentit dhe te bashkohemi me grupin e dijetareve, pra te jemi pasues te Sunetit dhe Xhematit. Kurse fjala qe Imam Ebu Hanifja (Allahu e meshirofte!) e ka pas fal namazin e sabahut me abdesin e jacise, kjo eshte per te treguar se ai nuk flinte naten por studionte, meditonte dhe falej gjithashtu, por kete nuk e bente gjithnje, por ndonjehere. Ashtu si edhe plot dijetare te tjere qe vepronin dhe veprojne ne kete menyre. Por kur ithtaret e medhhebit kerkojne te ngrene imamin e tyre, i zmadhojne gjerat dhe ndoshta edhe shpikin gjera te paqena, siç ka ndodhur ne realitet. E Allahu e ka ne Dore suksesin dhe vetem Ai te drejton ne rrugen e Drejte! Paqja dhe bekimet e Allahut qofshin mbi te Derguarin tone, Muhamedin, familjen e tij, shoket e tij dhe te gjithe ata qe ndjekin rrugen e tij deri ne diten e Kiametit!

(Pyetja Nr. 705) Isa / Delvinë / 17-02-2010

Message: selam alejkum. Desha te bej nje pyetje lidhur me bashkimin e namazit te xhumase me iqindine, a lejohet apo jo, sepse me sa di une shejkh Meshhuri ka nje liber per kete ceshtje, por nuk e kam lexuar. nese dini dicka na kthueni pergjigje dhe ne te kundert se ke bezdi ta pyesesh nje cike shejkh Meshhurin. Allahu ta shperblefte!

/ 20-02-2010

Ne lidhje me bashkimin e namazit te xhumase me ikindine ne dite shiu apo ne udhetim, eshte nje çeshtje per te cilen ka mospajtime ne mesin e dijetareve. Prej medhhebeve, jane dijetaret e medhhebit shiafii dhe disa nga medhhebi hanbeli, ata qe e kane lejuar bashkimin e namazit te xhumase me ate te ikindise, kurse te tjeret e kane ndaluar nje gje te tille. Nga dijetaret bashkekohore, dijetaret e Arabise Saudite ne pergjithesi e kane ndaluar, si per shembull shejh Iben Baz, shejh Iben Uthejmin, etj. Kurse Shejh Albani, dhe nxenesit e tij ne pergjithesi, si shejh Meshhur Hasen, shejh Ali el Halebi, etj, e kane kosnideruar te lejuar kete gje. Argumenti i atyre qe e ndalojne eshte se nje gje e tille nuk eshte percjelle nga i Derguari i Allahut dhe as nga sahabet e tij, dhe analogjia ne adhurime nuk lejohet, qe te mund ta krahasonim kete bashkim me bashkimin e namazit te drekes me te ikindise. Keshtu qe pala tjeter duhet te sjelle argument, -thone keta. Kurse pala tjeter thote se argumenti per bashkimin e namazit te drekes me te ikindise mjafton si argument per lejimin e bashkimit te namazit te xhumase me ate te ikindise, perderisa xhumaja eshte ne vend te drekes dhe nese falet ne kohen e drekes. Edhe ne anojme nga ky mendim, dmth nga lejimi i bashkimit te namazit te xhumase me ate te ikindise per shkak te shiut, e Allahu eshte i Gjithedijshmi, e Ai udhezon ne te drejten.

(Pyetja Nr. 704) Anonim / Maqedoni / 15-02-2010

Message: es Selamu Alejkum We Rahmetull-llahi we Bereketuhu.
Vella, kam dy pytje:
1. Si me keshillon per namazin e xhumas te felem me hanefit ne xhami, apo me xhematin e tekfirit ne nje objekt? Keto jan mundesit. Xhemati i tekfirit nuk bejn bidate gjat namazit ndersa per hanefit dihet se si e falin ket namaz mirepo ajo qe nuk me pelqen tek tekfircat eshte ndarja e tyre nga xhemati e sidomos per namazin e xhumas. hanefit falen te xhamija me e madhe dhe me e vjeter e qytetit ndersa "ata" jan te ndar ne nje objekt dhe i kan shume sjelljet e kqija sic ju perket tekfirive!
2. Nje hoxhe ne lidhje me meuludin thote keshtu:
Ekzistojnë edhe zëra që mevludin, respektivisht manifestimin e lindjes së Pejgamberit s.a.v.s. e konsiderojnë si risi “bidat” dhe në bazë të kësaj japin dispozitën se manifestimi i lindjes së Pejgamberit s.a.v.s. është veprim i ndaluar (Haram). Mirëpo nëse vetëm ky fakt se Mevludi është risi (bidat) do të mjaftonte që të gjykojmë me haram, atëherë vetëm në mënyrë taksative po parashtroj disa dilema, falja e namazit të teravive me xhemat qenka haram, e drejta e trashëgimisë së gjyshes 1/6 qenka haram, shkrimi dhe regjistrimi i haditheve nëpër libra dhe koleksione qenka haram, e veçanërisht kur dimë se ka pas urdhër nga Pejgamberi s.a.v.s. që hadithet të mos shkruhen, mësimi nëpër shkolla dhe banka shkollore qenka haram, interpretimi i mësimeve islame përmes mjeteve bashkëkohore si mediumet elektronike qenka haram e shumë e shumë gjëra tjera!!! Nga kjo nënkuptohet se, thjesht vlerësimi se mevludi është bidat nuk është argument për ndalimin e tij. Pra, përcaktimi i kësaj dispozite për Mevludin, respektivisht manifestimin e datëlindjes së Pejgamberit s.a.v.s. është i pa saktë dhe i pa bazë në fondamentet e jurisprudencës islame. Mendoj se për këtë kanë dhënë sqarime të shumta dijetarët Islam nëpër shekuj, e kemi sqarime edhe në literaturën islame në gjuhën shqipe[1]. Megjithatë kësaj radhe nuk do të lëshohem në këto çështje, por vetëm tju përkujtoj në një hadith të pejgamberit s.a.v.s.. Të gjithë e dimë se Pejgamberi a.s. ka pasur princip që të agjërojë ditën e hënë dhe të enjten, e në një rast kur është pyetur për shkakun e agjërimit të ditës së hënë ka thënë : "...Këtë ditë kam lindur ...” ( si argumentohemi ne kete rast) ???

/ 18-02-2010

1. Duke krahasuar mes dy te keqiave, per te zgjedhur ate me te lehten e mundshme, perderisa nuk ka zgjidhje tjeter, mendojme se e keqja e bidateve qe behen ne xhamite e hanefive, nese mund t'i quajme keshtu, eshte me e vogel se e keqja e bidatit te tekfirsave dhe havarixheve, keshtu qe falu ne xhamine ku falen sipas medhhebit hanefi, me mire per ty, inshaAllah, e Allahu e di me mire.

2. Kurse ne lidhje me pyetjen e dyte, ne fillim mendova se duhet kthyer nje pergjigje e bute, me qellim qe vetem te sqarohet e verteta, pa e perqendruar vemendjen te ky hoxhe apo fjalet e tij, por kjo ishte e pamundur, sepse nuk do te ishte prej urtesise dhe as prej sqarimit sa me te plote te kesaj çeshtje, me lejen e Allahut. Keshtu qe, pergjigja eshte si vijon:

- Ky hoxhe, jo vetem qe ka dije te kufizuar, ndjekje te epshit, devijim te qarte dhe mosnjohje as te rregullave elementare te usuli fikhut qe kane te bejne pikerisht me kijasin (analogjine) per te cilen ai po flet, por ai eshte edhe nje injorant, qe nuk e kupton fene e Allahut dhe nuk e madheron sunetin e pejgamberit, por ndjek epshet dhe bidatet qe nuk kane asnje origjine ne fene e Allahut, Allahu e udhezofte, nese ai e kerkon sinqerisht te verteten!

- Ai thote se ekzistojne disa zera qe mevludin e konsiderojne risi (bidat), sikur mevludi te ishte nje sunet i vjeter qe e ka bere vete pejgamberi, sahabet e tij, tabiinet e deri me sot, dhe sikur ata qe thone se ai eshte bidat, na qenkan disa zera qe me zor degjohen nga qe jane te paket ne numer dhe te rinj ne ekzistence!!! Vertet per t'u çuditur. A e di ky hoxhe se kur eshte festuar mevludi per here te pare dhe nga kush? A e gjen te permendet mevludi i pejgamberit (salallahu alejhi ue selem) dhe festimi i tij ne librat e dijetareve te medhhebit hanefi, te cilit ky besoj se i anetaresohet? Pergjigja do te jete: ose "Jo!", ose "hiqet sikur nuk e di". Mevludi nuk eshte festuar si feste vecse ne fund te shekullit te peste apo te gjashte hixhri, pra rreth 600 vite pas emigrimit te Pejgamberit ne Medine, nga udheheqesit e shteti fatimij. Menjehere pas shfaqjes se mevludit, dijetaret folen kunder tij, e kundershtuan dhe thane qe ai eshte bidat dhe prishes i fese dhe i muslimaneve. Pra, festimi i mevludit ishte nje nga bidatet e radhes te shpikura nga grupet e devijuara e te humbura qe i anetaresohen Islamit, siç ishin sufite, fatimite, mutezilite, etj.

- Ne pamje te pare, kijasi (analogjia, krahasimi) qe ky hoxhe e ben per te hedhur poshte ndalimin e festimit te mevludit dhe quajtjen e tij bidat, duket sikur eshte ne rregull dhe kjo mund t'i mashtroje apo se paku te fuse dyshime tek te rinjte muslimane qe kane dije te kufizuara, se paku rreth analogjise (kijasit), si nje nga temat e bazave te fikhut, por ne te vertete, kjo analogji qe ben ky hoxhe eshte e pasakte, e gabuar dhe ne kundershtim me rregullat e analogjise (kijasit), dhe ate nuk e gjen ne asnje prej librave te dijetareve hanefi apo te cdo medhhebi tjeter. Se pari, prej rregullave te kijasit eshte se "nuk lejohet kijasi mbi ato çeshtje te cilat edhe vete jane ndertuar mbi kijas", ky eshte nje rregull me se i njohur sidomos ne medhhebin hanefi, dhe thuajse te gjitha çeshtjet qe ai permend jane ndertuar mbi kijas. Po keshtu, kijasi ne çeshtjet e adhurimit nuk lejohet, dhe ky eshte nje rregull tjeter ne usul fikh, qe ky gjithashtu e anashkalon ose e injoron ate. Dhe pervec ketyre, kijasi qe ben ky nuk permbush asnje nga kushtet e kijasit te sakte, sepse çeshtjet qe ai kerkon te krahasoje dhe t'i bashkoje ne te njejtin gjykim, nuk kane asnje lidhje te perbashket me njera-tjetren apo me mevludin, qe ne shkencen e usuli fikhut quhet "il-leh" - (shkak), dhe ekzistenca e kesaj lidhje e cila eshte edhe shkaku per dhenien e gjykimit te nje vepre mbi te cilen krahasohet diçka tjeter, eshte e domosdoshme per mundesine e krahasimit me te, perndryshe nuk mund te behet krahasim me te. Siç eshte per shembull "te dehurit", shkak per ndalimin e alkoolit, dhe nese ky shkak gjendet ne ndonje pije tjeter me emer tjeter, ajo pije merr te njejtin gjykim si alkooli, pra eshte e ndaluar. Keshtu qe, analogjia dhe krahasimi qe ben ky hoxhe eshte i pavlefshem, i papranuar dhe tregon per injorancen ose fanatizmin e tij ne rruget e shtrember qe ndjek dhe mbron.

- Duket qarte qe ky hoxhe nuk e njeh as sunetin dhe as bidatin, as hallallin dhe as haramin, ndryshe nuk do t'i bente ato krahasime qe as logjika nuk i pranon. Feja e Allahut eshte ajo fe qe Allahu e ka ligjeruar ne Librin e Tij dhe ne sunetin e te Derguarit te Tij, dhe kush shton dicka ne fene e Allahut, ai akuzon fene e Allahut per mangesi dhe se ajo nuk eshte plotesuar, por qe ka nevoje te plotesohet nga njerez te tille injorante, qe nuk dine se nga kane koken apo kembet. Jane te shumta hadithet ku Pejgamberi (salallahu alejhi ue selem) thote se kush shpik dicka ne kete ceshtjen tone (ne fe), qe nuk eshte prej saj, ajo eshte e kthyer mbrapsht, dhe se cdo risi eshte bidat dhe cdo bidat e ka vendin ne zjarr. Duhet te jete e qarte se bidat eshte çdo gje, shkaku per berjen e se ciles ka ekzistuar ne kohen e Pejgamberit (salallahu alejhi ue selem), por ai nuk e ka bere ate, dhe as sahabet e tij nuk e kane bere. Prej ketu, shkaku per festimin e mevludit ka ekzistuar edhe ne kohen e Pejgamberit (salallahu alejhi ue selem), po ashtu edhe ne kohen e kater halifeve te drejte pas tij, edhe ne kohen e tabiineve, e me pas, por askush prej tyre nuk e ka festuar ate. A mos jemi ne me te mire se ata?! Sikur festimi i mevludit te pejgamberit te kishte qene dicka e mire, ata qe kane qene te paret e Islamit, do te na e kishin kaluar ne te mira, ashtu si na e kane kaluar ne cdo gje tjeter. Dhe duhet te jete me se e ditur, se ajo veper apo fjale qe nuk ka qene prej fese ne kohen e Pejgamberit (salallahu alejhi ue selem) apo te brezave te pare te Islamit, nuk ka per te qene kurre fe e ligjeruar, deri sa te behet Kiameti. Dhe kjo eshte detyra e dijetareve qe te pastrojne fene e Allahut dhe sunetin e Pejgamberit, nga keto ndotesira qe kerkojne t'i mveshin injorantet dhe te devijuarit qe e kane humbur rrugen e drejte. Madje, jo vetem qe festimi i mevludit nuk eshte vepruar nga Pejgamberi dhe as nga sahabet e tij, por perkundrazi, pejgamberi i ka terhequr verejtjen popullit te tij dhe i ka paralajmeruar ata qe te mos bejne me te ashtu si bene te krishteret me Isain, te birin e Merjemes. Kurse festimi i mevludit eshte pikerisht imitim i vepres se te krishtereve me festimin e krishtlindjeve. Apo ndokush mendon ndryshe?!

- Ky hoxhe, nuk e njeh sunetin dhe si rezultat nuk do mund ta dalloje nga bidati. Nuk e di ky se i Derguari i Allahu (salallahu alejhi ue selem) ka thene: "Kapuni per sunetin tim dhe sunetin e hulefave te mi te drejte. Shtrengohuni fort pas tij me dhemballe, dhe ruajuni bidatev ne fe..." Sikur te mos kishte argument tjeter per ato shembuj qe sjell ky hoxhe, vetem fakti se ato qe ka permendur ne fillim jane kryer nga sahabet e tij ne kohen e hulefave te drejte qe erdhen pas Profetit (salallahu alejhi ue selem), dhe ekzaktesisht ne kohen e Ebu Bekrit, Umerit, Uthmanit dhe Aliut (radiallahu anhum), ky argument do te mjaftonte, sepse ne jemi urdheruar nga Profeti qe te ndjekim synetin e ketyre halifeve te drejte qe erdhen pas tij, dhe kjo sepse ata me se miri e njohin sunetin dhe bidatin dhe nuk dalin nga suneti i Profetit (salallahu alejhi ue selem), dhe me se shumti jane te ruajtur nga bidati. A e di ky hoxha se namazin e teravive me xhemat e ka bere sunet i Derguari i Allahut (salallahu alejhi ue selem), i cili u fal me shoket e tij ne xhamine e tij, ne namazin e teravive, 2 apo 3 here, por me pas e la kete gje nga frika se mos u behej detyrim dhe populli i tij nuk mund ta kryente apo do ta kishte te rende, sic e ka thene ne hadithe te sakta te shumta ne lidhje me kete ceshtje, dhe kur kjo frike nuk ekzistonte me, atehere ne kohen e hulefave te drejte, u kthye ky sunet ne veprim. Por keshtu vepron injoranca me njerezit e saj. Po keshtu edhe per trashegimine e gjyshes, ky vendim eshte nxjerre ne kohen e halifeve te drejte. Kurse shkruajtja e haditheve dhe e Kuranit madje, ka ekzistuar ne kohen e Pejgamberit (salallahu alejhi ue selem), edhe pse pati nje periudhe kohore kur profeti e ndaloi shkruajtjen e haditheve me qellim qe te mos e ngaterronte dikush me Kuranin, porpas pak kohe e lejoi perseri madje urdheroi qe te shkruheshin te gjitha ato qe thoshte, duke thene se ai nuk flet nga vetja e tij, sic ka ardhur ne librat e hadithit. Kurse mbledhja e tyre ne libra, eshte dicka teknike qe se pari nuk mund te behej gjate kohes se Profetit sepse shpallja vazhdonte te zbriste dhe ende nuk ishte plotesuar, dhe nga ana tjeter, mundesia teknologjike nuk ekzistonte si sot, por duhej nje dhome e madhe ku te depozitohej nje liber i vetem, i shkruar ne pllaka guri apo druri, apo ne mjete te tjera te asaj kohe. A thote ndonje qe ka logjike, se librat na qenkan bidat, apo qe mjetet e tjera teknologjike te kohes sone qe nuk kane te bejne me fene, na qenkan bidat?! Kete e thote vetem dikush qe nuk ka logjike, ose qe kerkon te mashtroje njerezit dhe t'u hedhe dyshime, si e si per te ngritur ate humbjen dhe devijimin e tij, pa e pasur frike Allahun dhe faktin se po kerkon te cenoje apo te shtoje dicka ne fene e Tij.

- Fondamentet e jurisprudences Islame vertetojne te kunderten e asaj qe kerkon te aprovoje ky hoxhe, perndryshe le t'i sjelle ato argumente nga burimet e mirefillta fondamentale Islame.

- Kur Pejgamberi (salallahu alejhi ue selem) u pyet per agjerimin dites se hene, ai tha se kjo ishte dita ne te cilen kishte lindur dhe dita ne te cilen i filloi shpallja, por nuk e mori per feste kete dite, as ai dhe askush nga sahabet apo tabiinet, e deri vone, deri sa erdhen ndjekesit e epsheve dhe te bidateve, imituesit e hebrenjve dhe te krishtereve per te cilet Profeti kishte paralajmeruar popullin e tij qe te mos benin si ata. Le te mjaftohen edhe keta me ate qe eshte mjaftuar i Derguari i Allahut (salallahu alejhi ue selem), apo jane me te mire se ai?! Pejgamberi thote: "Kushdo qe largohet nga suneti im, ai nuk eshte prej meje." [Buhariu, Muslimi, etj.] A nuk e kuptojne keta se hadithi i agjerimit te dites se hene, nuk ben fjale per ditelindjen e Profetit ne vecanti dhe as qe ka per qellim ate dite te vitit sic kane qellim keta qe ndjekin epshet dhe bidatet, por ka qellim vecimin e dites se hene qe perseritet cdo jave, me agjerim te kesaj dite, dhe te dites se enjte gjithashtu.

- Nga ketu, rinia muslimane duhet te kuptoje rendesine e kapjes pas Xhematit, prandaj thuhet: ndjekesit e sunetit dhe te xhematit, sepse ata ndjekin sunetin e Pejgamberit (salallahu alejhi ue selem) sipas kuptimit te xhematit te sahabeve, tabiineve dhe dijetareve pas tyre, te cilet jane te bashkuar ne çeshtjet e fese, dhe ata qe e kundershtojne rrugen e tyre jane te paket dhe duket qarte qe kane devijuar nga rruga e xhematit. Disa nga fjalet e te devijuarve mund t'i gjesh aty-ketu ne librat e dijetareve te ehli sunetit dhe xhematit per t'i kundershtuar dhe per t'ju kunderpergjigjur atyre, por kurresesi per t'i marre si te verteta. Gjen per shembull qe me hadithin ku profeti e shpreh se e agjeron diten e hene per shkak se ka lindur ne ate dite dhe se ne ate dite ka filluar t'i zbrese shpallja, argumentohen pikerisht disa prej grupeve te humbura si sufite dhe mutezilite dhe askush tjeter prej dijetareve te medhhebeve te ndryshme. Atehere, si ka mundesi qe ky hoxhe argumentohet pikerisht me menyren e tyre te argumentimit dhe logjikes?! Ndoshta eshte prej tyre, keshtu qe nuk ka pse te shqetesohesh prej fjaleve te tij, edhe pse me e mira eshte te mos degjohen fare nga ata te rinj musliman qe nuk kane dije te mjaftueshme dhe qe mund t'ju lindin dyshime rreth se vertetes ne te cilen ata jane deri tani me miresin e Allahut.

- Ishte per qellim me kete pergjigje ne rradhe te pare, qartesimi i çeshtjes per rinine muslimane dhe per muslimanet e thjeshte, dhe jo sqarimi i ketij hoxhe i cili paraqitet me dije, sepse ky mund ta gjeje vete te verteten nese deshiron, mjafton te kerkoje me sinqeritet dhe gjoks te hapur ne burimet e mirefillta te Islamit. E Allahu e ka ne Dore suksesin dhe vetem Ai te drejton ne rrugen e Drejte! Paqja dhe bekimet e Allahut qofshin mbi te Derguarin tone, Muhamedin, familjen e tij, shoket e tij dhe te gjithe ata qe ndjekin rrugen e tij deri ne diten e Kiametit!

(Pyetja Nr. 703) Dialogu me te krishteren / 15-02-2010

Pershendetje!
Sqarimet dhe menyra e te shprehurit ishin shume te qarta. (Shiko Pyetjet Nr. 692, 681, 671, 660).
Por ju duhet ta dini se tek ne bashkejetojne njerezit me fe te ndryshme.
Ketu ne pune kemi 4 cifte qe jane martuar dhe kane dhe femije, musliman me krishtere dhe festojne te dya festat fetare si te muslimaneve dhe te krishtereve ose te njeres fese. Femijte e ketyre jane ose me njeren fe ose tjetren. Besojme ne se ka rendesi qe besojne ne nje zot apo keni ndonje mendim per diskutim.
Po per bektashinjte mund te na thoni dicka, se ketu tek ne eshte shume e perhapur ne radhet e muslimaneve?
Po teqet jane vende te shenjta te bektashinjeve se tek ne shkojne te gjitha llojet e feve?
Ne lidhje me stresin dhe kujtesen pyesin shoqet se te gjitha jane me probleme dhe halle, a keni dicka konkrete qe mund te perdorin se jane mbi te 40-tat?
Ju faleminderit qe jeni kaq i hapur duke na shkrojtur dhe duke na kthyer pergjigje nga koha juaj kaq e cmuar. Zoti t`ju jape shendet!

/ 15-02-2010

Ju falenderoj gjithashtu per mirekuptimin dhe paanshmerine ne gjykimin tuaj!
E vleresoj qendrimin dhe interesin tuaj per kerkimin e njohurive, gje e cila tregon edhe nje here nivelin tuaj kulturor, arsimor dhe shoqeror, dhe kete nuk e them per t'ju bere qejfin.

Ne jemi dakord se njeriu eshte i lire te zgjedhe fene qe deshiron dhe qe beson se eshte me e vertete sipas tij, per kete nuk kemi kundershtim. Por dialogu yne ka te beje me kembimin e njohurive dhe verifikimin e tyre sipas arsyetimit dhe logjikes se shendoshe. Logjika per shembull, nuk e pranon qe dy çeshtje te kunderta te jene te verteta ne te njejten kohe, por patjeter qe njera eshte e gabuar dhe tjetra e vertete.
Por sidoqofte, ne vetem sa japim mendimin dhe provat tona, dhe secili eshte teresisht i lire qe te zgjedhe vete, dhe kjo eshte liria e fese dhe e mendimit, gje e cila nuk mund te imponohet nga askush, madje edhe nese behet me force, ajo nuk ze vend te i imponuari, por do te dale nga ai bashke me largimin e imponimit.

Ne lidhje me martesat mes ithtareve te dy feve, Islame dhe te Krishtere, une do te them ligjin e Islamit ne lidhje me kete, por perseri, njeriu eshte i lire ne fene e tij, sic e thame, madje edhe ne Kuran Thuhet: "Nuk ka detyrim ne fe, sepse tashme eshte bere e qarte e drejta nga e shtrembra." [El Bekare: 256].
Ne Islam, lejohet qe muslimani (burri) te martohet me nje te krishtere (femer), por nuk lejohet qe nje muslimane (femer) te martohet me nje te krishter (burre), dhe kjo per arsye se burrit i takon drejtimi ne shtepi dhe gruaja duhet t'i bindet burrit per ato qe urdheron ai dhe duhet ta kenaqe burrin e saj, ashtu si edhe burri duhet te kenaqe gruan e tij dhe ta mbaje mire ate per shkak se eshte pergjegjes ndaj saj dhe femijeve sigurisht, por problemi qendron se kur burri eshte i krishter apo i cdo lloj feje tjeter pervec fese Islame, ai patjeter qe e ka mohuar nje pjese te shpalljes Hyjnore, sic eshte Libri dhe profeti i fundit i Zotit, dhe Zoti thote se nuk e lejon nje mohues te urdhrit te Tij qe te kete pushtet mbi dike qe e ka pranuar dhe i eshte dorezuar urdhrit dhe fese se Tij, Islamit - i cili ne shqip do te thote: Paqe dhe dorezim ndaj Zotit. Pra, ky eshte sqarimi per kete ceshtje nga ana e Islamit, duke pasur parasysh edhe faktin se kur nje musliman (burre) martohet me nje te krishtere (grua), i lejohet asaj qe te qendroje ne fene e vet dhe nuk i lejohet burrit ta detyroje qe te behet muslimane ne asnje menyre. Kurse nga disa pyetje qe me kane ardhur nga disa gra muslimane qe jane martuar me te krishtere ortodoks apo katolike, me kane thene se burri dhe familja e tij ia imponojne asaj pagezimin dhe martesen ne kishe, gje e cila nuk eshte e drejte ne cdo aspekt.

Bektashinjte, jane nje sekt i devijuar nga Islami edhe pse i anetaresohen atij. Ju kujtohet fjala qe ju kam thene rreth sekteve fetare dhe krahasimi i tyre me segmentin: me qendren dhe dy skajet e tij. Po keshtu edhe keta, jane nje nga sektet qe ne te vertete kane devijuar shume nga feja e drejte dhe e vertete. Ata kane shpikur e trilluar gjera qe jo vetem nuk jane ne fe, por qe feja i lufton ato sepse kane te bejne me paganizmin dhe me djallin e xhindet, sic jane pikerisht te ashtuquajturat vendet e mira, te cilat ne fakt jane vende te djallit e te banuara nga xhindet, ku njerezit shkojne gjoja per kurim nga magjite apo semundje te ndryshme, por qe te gjitha keto jane paganizem dhe lutje e djallit, vende ku theren kurbane per djallin dhe jo per Zotin.
Pra, devijimi i tyre eshte shume i madh dhe ata ndjekin djallin ne shume prej gjerave te mbinatyrshme qe ndoshta ndodhin ne duart e tyre, dhe ky eshte shpjegimi pse ndonjehere ne duart e dervisheve apo baballareve te teqeve ndodhin gjera te mbinatyrshme, dhe ju e kujtoni se c'u kam thene ne lidhje me mrekullite dhe gjerat e mbinatyrshme qe mund t'i ndodhin disa njerezve, kur folem per telepatine.

Kurse per stresin, ju e dini se ai eshte nje problem shpirteror qe ka lidhje te ngushte me problemet jetesore te njeriut, dhe per kurimin e tij ka dy menyra: ajo psikologjike, duke biseduar me te stresuarin nga ana logjike dhe duke gjetur menyren per lehtesimin e gjendjes se tij, dhe menyra e dyte eshte ajo e perdorjes se disa medikamenteve natyrale qe ndihmojne vecanerisht sistemin nervor qendror per funksionimin sa me normal te tij, sidomos ne nervat qe kane te bejne me keto shqetesime.
Nga medikamentet natyrale keshillojme si fillim mjaltin e bletes, ate te malit, te holluar me uje, dhe te pihen 2-3 gota ne dite para buke, por per rezultate me te mira dhe per kurimin e shkaqeve te problemit do te ndihmonte kryesisht kura e plote bimore qe ka prodhuar doktori yne posaçrisht per kete problem, i cili eshte shume i perhapur sidomos ne boten perendimore, ku perfshihet edhe Shqiperia. Kura bimore perbehet nga kapsulla bimore dhe bime te posacme per caj, qe merret ne menyre te rregullt, 2 here ne dite, per nje muaj rresht.
Dhe se fundi, ju uroj shendet te plote e qetesi shpirterore!
Hallet e njeriut nuk mbarojne sa te jete gjalle, keshtu qe merrini ato me qetesi dhe do i zgjidhni me lehte!

(Pyetja Nr. 702) Anonim / 14-02-2010

Message: selamun alejkum, vella desha me te pyet qe ne qoftese gjate namazit nje vella musliman i del pjesa e mbrapme e kurrizit apo ndoshta dicka me poshte dhe ajo eshte poshte kufirit te se lejuares d.m.th poshte kerthizes, a eshte i vlefshem namazi apo duhet perseritur? Allahu ta shperblefte!

/ 15-02-2010

Ue alejkumu selam! Pjesa nen kerthize dhe mbrapa kurrizit ne drejtim te kerthizes e deri te gjunjte, eshte auret (vend i turpshem) per burrat, qe duhet te mbulohet ne sy te te tjereve dhe ne namaz sigurisht, madje nese zbulohet diçka e ketij aureti gjate namazit, namazi prishet dhe duhet perseritur duke u mbuluar mire, sepse mbulimi i auretit eshte kusht per vlefshmerine e namazit. Por nese dikush falet ne kete menyre dhe nuk e ndjen apo nuk e di se i eshte zbuluar dicka nga kjo pjese e trupit, namazi i tij eshte i vlefshem, sepse eshte diçka qe ka dale nga dija apo ndjesia e tij dhe Allahu ja ka falur popullit te Muhamedit (salallahu alejhi ue selem) ate gje qe ata e bejne nga padija, nga harresa apo te detyruar. Nese dikush tjeter e njofton dike qe i eshte zbuluar kjo pjese e trupit gjate namazit, ai duhet ta perserise namazin, sepse tashme e mesoi se i eshte zbuluar aureti gjate namazit. Allahu e ka ne Dore suksesin dhe vetem Ai te drejton ne rrugen e Drejte! Paqja dhe bekimet e Allahut qofshin mbi te Derguarin tone, Muhamedin, familjen e tij, shoket e tij dhe te gjithe ata qe ndjekin rrugen e tij deri ne diten e Kiametit!

(Pyetja Nr. 701) Anonim / Kosovë / 14-02-2010

Message: Selam alejkum vella i nderuar Allahu te shperbleft per pergjigjet qe po i jep ne ket forum.
Forum qe nuk ka te drejt te postoj askush qe nuk ka studiuar gje qe kjo e ruan saktesin e pergjigjeve dhe kam disa pyetje:

1. Si eshte qeshtja e nje njeriu qe ka pare enderr duke ja mesuar disa sure te Kuranit permendesh ata njerez ne enderr i duken te veshur me te bardha duke e ditur qe shpallja ka mbaruar dhe ata nuk mendoj q ete jet Xhibrili a.s dhe ne nje liber per komentimin e enderrave kam lexuar se ai qe e sheh ket enderr do ti prishet feja e tij?

2. A ekziston ne Islam ekzekutim me varje ne litar si zevendesim i prerjes me shpate?

3. Si te falet namazi ne ato vende qe namazi i drekes e te tjera falen naten per arsye se me shume eshte nate sesa dit apo ne ato vende qe me shum eshte dit e ndersa vetem disa ore nate?

/ 19-02-2010

1. Formulimi i pyetjes ka gabime gjuhesore dhe me zor kuptohet. Eshte e vertete se shpallja ka mbaruar, por ne enderr po thua se keta njerez me te bardha po te mesojne disa sure nga Kurani, dmth qe ekzistojne ne Kuran dhe jo gjera te reja qe nuk gjenden ne Kuran, perveç nese eshte se po i mesonin gjera te tjera qe nuk jane ne Kuran, dhe qe nuk jane prej Kuranit, atehere mund te thuhet qe personi qe e ka pare endrren mund te devijoje nga rruga e drejte dhe te ndjeke rruget e shejtanit. Por qe te shohesh engjej ne enderr, qe te mesojne Kuran, kjo eshte gje e mire per personin qe e sheh kete enderr.

2. Kjo eshte nje çeshtje qe i perket udheheqesit te shtetit Islam, dhe ekzekutimi me shpate nuk ka ardhur veçse per magjistarin apo per ate qe vret me shpate, i cili vritet ne menyren qe e ka bere vrasjen. Kurse caktimi i kesaj vrasje me shpate apo me varje ne disa raste kur nuk mund te realizohet vrasja e vrasesit ne te njejten menyre qe e ka bere vrasjen, atehere udheheqesit te shtetit musliman i takon e drejta e caktimit te menyres se vrasjes se tij.

3. Perderisa dallohet dita nga nata, edhe namazet falen sipas percaktimit te kohes se namazeve zakonisht, e nese eshte vetem nate, behen llogaritjet sipas ores koheve te vendit me te aferm ku ka dite dhe nate. E Allahu e di me mire. Allahu e ka ne Dore suksesin dhe vetem Ai te drejton ne rrugen e Drejte! Paqja dhe bekimet e Allahut qofshin mbi te Derguarin tone, Muhamedin, familjen e tij, shoket e tij dhe te gjithe ata qe ndjekin rrugen e tij deri ne diten e Kiametit!