Naser / Evropë: / 29-3-2008

Message: es selam alejkum. Kush eshte shejhu qe eshte tu pergjigj pyetjeve te muslimanve ne kete forum?

Kjo pyetje eshte bere me pare. Pergjigjen e keni ketu.

(Pyetja Nr. 42) Abdullah / Kosovë: / 28-3-2008

Message: es-selam alejkum
Si eshte gjykimi Islam ne lidhje me protestat?

/ 31-3-2008

Protestat nuk jane te lejuara ne Islam. Nje gje e tille nuk eshte njohur ne historine Islame, qe ne kohen e Pejgamberit (salallahu alejhi ue selem) e deri me sot, por kjo eshte nje menyre e shpikur nga mosbesimtaret per t'iu kundervene qeverive te tyre apo per qellime te tjera. Dijetaret bashkekohore i ndalojne keto protesta dhe thone se kjo gje eshte perngjasim me mosbesimtaret, ndersa Pejgamberi ka thene: "Kush i perngjet nje populli, ai eshte prej tyre." Nga shume ajete te Kuranit kuptohet se keto te ashtuquajtura protesta, nuk lejohen per vete synimet e tyre, formen e tyre, trazirat qe shkaktojne, etj. Ne lidhje me kete teme ka folur ne hollesi shejhu i madh Mukbil iben Hadi el Uadiij (Allahu e meshirofte!), ne librin: "Mosbesimi Humejni ne token e Haramejnit".

(Pyetja Nr. 41) Nardi / Fier-Shqipëri: / 28-3-2008

Message: selamu alejkum. Kur xhemati reshtohet per te fal farzin dhe thiret ikameti, fjalet mbas ikametit qe behen nga xhemati, a jan te lejushme? sepse kam degjuar qe thon pa argumenta fjalet mbas ikametit jan haram, dhe kemi degjuar qe mbas namazit behen tesbit pa leviz nga vendi sepse vjen nje engjell dhe ben dua per ty deri sa ti mbaron tesbit. A jan sahih apo jan fjal pa baza sepse skam degjuar argument per keto? ALLAHU JUA SHPERBLEFT DHE NA BASHKOFT NE XHENET.

/ 28-3-2008

Nuk ka ardhur ndonje lutje e veçante pas ikametit dhe para tekbirit fillestar te namazit, por mund te perseriten fjalet e muezinit gjate ikametit dhe duaja per Pejgamberin si ajo pas ezanit, nese imami le kohe per kete deri sa te marre tekbirin fillestar. Kjo eshte fetvaja e Komisionit te perhershem ne Saudi, Fetvaja nr. 10426. Dhe sic shihet, per kete nuk ka argument tjeter perveç krahasimit te ikametit me ezanin, e Allahu e di me mire.

Nuk ka argument te thuhet se fjalet pas ikametit jane haram, sepse imami mund te flase dhe po keshtu dikush prej xhematit mund te keshilloje per drejtimin e rreshtave. Por lutje te veçante nuk ka, siç e pame me siper.

Pas perfundimit te namazit me dhenien e selamit, eshte sunet qe te qendrohet ne vendin e faljes dhe te besh lutjet dhe tespite sipas haditheve qe kane ardhur ne lidhje me keto. Por, nese ndokush ngrihet pa i bere tespite dhe del nga xhamia, nuk ka ndonje gjynah, por ka lene sunetin. [Nga fetvaja nr. 6195, e Fetvave te komisionit te perhershem.] Ndersa fjalen se vjen nje engjell... nuk e kam gjetur ne ndonje hadith, pas kerkimit te gjate. E Allahu e di me mire. Paqja dhe bekimet e Allahut qofshin mbi te derguarin tone, Muhamedin, familjen dhe shoket e tij!

Selefesha / Gjakovë: / 27-3-2008

Message: esselamu alejkum. Ju pershendes dhe ju uroj pune te mbarë e te palodhshme. Allahu ju dhëntë sukses ne dynja e ahiret.

(Pyetja Nr. 40) Abedin / Prizren: / 26-3-2008

Message: es-selamunalejkum. A muj me taku me gjyshen e grues time (d.m.th. me ja  dhone doren)?

/ 31-3-2008

Nuk i lejohet muslimanit qe te takoje duke i dhene doren nje gruaje te huaj me te cilen i lejohet martesa, sepse Pejgamberi (salallahu alejhi ue selem) ka thene: "Une nuk ua jap doren grave (nuk i takoj me dore)" [Es Sahiha, 529], dhe Aisha transmeton: "Pasha Allahun! Dora e te derguarit te Allahut nuk ka prekur kurre doren e ndonje femre, edhe kur u mori besen grave, ua mori vetem me fjale (pa i dhene doren)." [Buhariu, Ahmedi, etj]. Dhe sepse takimi me dore me grate e huaja eshte prej shkaqeve te sproves dhe provokimit, dhe renies ne te ndaluar. [Komisioni i perhershem i fetvave, ne Saudi. Fetva nr. 8072].

Ndersa gjyshja e gruas, qofte nga nena apo nga babai i saj, po keshtu edhe mamaja e gruas, jane prej atyre grave me te cilat martesa eshte e ndaluar pergjithmone, keshtu qe lejohet t'i takosh ato me dore, te udhetosh me to dhe te qendrosh vetem me to ne te njejten dhome. E Allahu e di me mire! Paqja dhe bekimet e Allahut qofshin mbi te derguarin tone, Muhamedin, familjen dhe shoket e tij!

(Pyetja Nr. 39) Abdurrahman / Itali: / 26-3-2008

Message: selam alejkum. Kur te tjeret po falin namazin me xhemat dhe ti e kap ne ruku por pa thene subhane rrabijel adhim as edhe nje here, a e ke kapur rekatin?

/ 28-3-2008

Ne hadithin e transmetuar nga Ebu Hurejra (radiallahu anhu) thuhet se Pejgamberi (salallahu alejhi ue selem) ka thene: "Nese vini ne namaz dhe na gjeni ne sexhde, bini ne sexhde dhe mos e llogarisni ate rekat. Kush e arrin nje rekat, ai e ka arritur ate namaz." Dhe ne nje shprehje tjeter te ketij hadithi thuhet: "Kush e arrin rukune, e ka arritur ate rekat." [Hadith Sahih; Ebu Daudi 893, Darakutni 132, etj. El Irva 496].

Prej ketu, nese personi arrin imamin ne ruku, dhe e ben rukune sipas rregullit te saj: duke u vendosur mire ne ruku dhe me kurrizin drejt, gje e cila patjeter qe kerkon te thuhet "subhane rabijel adhim" te pakten nje here, atehere e ke arritur ate rekat, ne te kundert nuk e ke arritur rekatin dhe duhet ta plotesosh ate pasi te japi imami selam. Nuk qendron llogaritja apo jo e rekatit tek thenia "subhane rabiel adhim", sepse kjo eshte nga vaxhibet e namazit dhe jo nga ruknet e tij, dhe dallimi mes vaxhibit dhe ruknit te namazit eshte se kur len nje vaxhib, ai rregullohet duke bere dy sexhde para apo pas selamit, e nese len nje rukn, duhet patjeter qe ta plotesosh ate para selamit. Por problemi qendron se rukuja nuk llogaritet nese ti nuk e ben ate sipas rregullit, te cilin e thame me siper. Lexo per me teper rreth veprave te namazit ketu.

(Pyetja Nr. 38) Sara / Deqan-Kosovë: / 26-3-2008

Message: Es selam alejkum. Allahu ju shperbleft në Dunja dhe në Ahiret për kuntributin tuaj. Nëse keni mundesi me më tregu  se kur lejohet ta rrefuzosh nje djal per martes {pos asaj nëse djali është jobesimtar} pra kur më lejohet te refuzoj pos kesaj vetije qe kuptohet qe lejohet ta refuzosh ate?

/ 28-3-2008

Pejgamberi (salallahui ajehi ue selem) ka thene: "Nese ju vjen dikush (per martese), te cilit ia pelqeni moralin dhe fene (besimin dhe kapjen per fene), atehere martojeni ate (me vajzen apo motren tuaj), e nese nuk e beni kete, atehere do te kete sprova ne toke dhe prishje te gjere (te madhe)." [Hadith Hasen. Es Sahiha 1022].

Pra, ne hadith thuhet se kur nje person me moral dhe me besim te mire, te pakten sipas asaj qe duket, vjen dhe ju kerkon vajzen per martese, atehere prindi apo kujdestari i vajzes nuk duhet ta pengoje ate. Kjo eshte ne lidhje me kujdestarin e vajzes, ndersa vete vajza nga ana e saj ka te drejten qe te refuzoje ne cdo rast dhe nuk lejohet qe ajo te martohet pa deshiren e saj nga prindi, sepse Pejgamberi ka thene: "Merrni lejen e vashave per martesen e tyre." I thane: "Vajza e virgjer (qe nuk eshte martuar me pare) ka turp qe te flase!" Ai tha: "Heshtja e saj eshte leja e saj." (D.m.th. nese hesht dhe nuk refuzon, e ka dhene lejen dhe do te thote se eshte dakord.) [Es Sahiha, 398].

Pra, i lejohet vajzes qe te refuzoje nese nuk e pelqen djalin qe i kerkon doren per martese, per çdo lloj arsye qe te kete ne veten e saj, dhe askujt nuk i lejohet ta detyroje ate. Megjithate, ajo duhet te marre parasysh keshillen e dhene nga Pejgamberi (salallahu alejhi ue selem), qe nese i vjen nje djale me moral te mire dhe te kapur per fene e tij, te mos e refuzoje ate, e nese lidhja behet per hir te Allahut, atehere Allahu jep begati dhe te mira te pallogaritura ne ate martese. E Allahu e di me mire. Paqja dhe bekimet e Allahut qofshin mbi Muhamedin, familjen dhe shoket e tij!

(Pyetja Nr. 37) Abdurrahman / Itali: / 25-3-2008

Message: Selamun alejkum. Kam nje pyetje per te bere dhe me lejen e Allahut kerkoj nje pergjigje te argumentuar ne hollesi: Si eshte çeshtja e imam Mehdit? Kam degjuar nje vella qe me tha se eshte prej 12 imameve dhe se ka humbur ne dunja dhe ka per tu kthyer pak para Isait alejhi selam.

/ 29-3-2008

Per çeshtjen e Mehdiut na ka njoftuar Pejgamberi (salallahu alejhi ue selem) dhe ne lidhje me te ka shume mendime dhe grupe te cilat kane devijuar nga e verteta. Shijat p.sh. thone se ai eshte nje nga 12 imamet e tyre, i cili tani nuk eshte prezent mes njerezve por i fshehur... Ndersa disa te tjere e mohojne fare realitetin e Mehdiut, duke thene se ai eshte nje figure imagjinare tek disa muslimane, te cilet kur shohin gjendjen e tyre te mjeruar, enderrojne te vije Mehdiu i pritur.

Por e verteta e Mehdiut te Ehli Suneti dhe Xhemati eshte e qendrueshme, ashtu si eshte permdendur ne shume hadithe te sakta nga Pejgamberi (salallahu alejhi ue selem). Ne dy sahihat e Buhariut dhe te Muslimit, Mehdiu nuk permendet drejtperdrejt, por keshtu: "Si do te jeni ju kur te zbrese tek ju biri i Merjemes (Isai) dhe imami juaj do te jete nga vete ju (dhe jo Isai)." [Buhariu]. "Imami juaj" eshte per qellim Mehdiu. Ndersa ne librat e tjera te sunetit jane permendur shume hadithe te sakta dhe te hollesishme ne lidhje me Mehdiun. Prej tyre permendim: "Nga fundi i ymetit tim do te dale Mehdiu. Allahu do t'i jape atij shi dhe toka do te jape prodhime me bollek, do t'i jape pasuri te madhe, do te shtohen bagetite dhe ymeti musliman do te shtohet. Ai do te jetoje shtate apo tete -d.m.th. vjet." [Es Sahiha, 711. Ne nje hadith tjeter Pejgameri thote: "Toka do te mbushet me krime dhe padrejtesi, dhe kur te ndodhe kjo, Allahu do te dergoje nje burre prej meje; emri i tij eshte i njejte me timin, [dhe emri i babait te tij njesoj si emri i babait tim], dhe ai do ta mbushe token me barazi dhe drejtesi ashtu si ishte mbushur me krime e padrejtesi." [Es Sahiha, 1529]. Ne nje hadith tjeter thuhet: "Mehdiu eshte prej nesh, familjes pejgamberike. Allahu do ta inspiroje ate brenda nje nate." [Es Sahiha, 2371].

Shejh Abdulmuhsin el Abad, ka bere nje liberth te posaçem per Mehdiun, me titull: "Akidja e Ehli Sunetit dhe Etherit ne lidhje me Mehdiun e pritur." Keshillohet te lexohet, megjithese nuk dime te jete i perkthyer ne shqip, por ndoshta, me Lejen e Allahut, e perkthejme dhe ua ofrojme ate muslimaneve shqiptare.

(Pyetja Nr. 36) Daud / Itali: / 25-3-2008

Message: Khidri i cili permendet ne suren kehf a eshte pejgamber dhe a eshte gjalle apo ka vdekur? Nese ka mundesi me u argumentuar per ta kuptuar vete dhe te tjeret.

/ 27-3-2008

Ne lidhje me Hidrin (alejhi selam) ka mospajtim ne mesin e dijetareve nese ka qene pejgamber apo jo. Me e sakta ne kete eshte se ai ka qene pejgamber, dhe sigurisht qe ai ka vdekur dhe jo ashtu si thone disa njerez se ai eshte gjalle dhe drejton te humburit ne shkretetira e ne detra.

Fakti se ai eshte pejgamber, perfitohet nga ajetet ne suren El Kehf, kur ai demtoi anijen e disa te varferve qe punonin ne det, vrau femijen pa bere ndonje krim dhe drejtoi murin e dy jetimeve dhe nuk mori shperblim per te, Musa alejhi selam e kundershtoi per keto me habi, por ne fund ai i tregoi shkakun dhe historia mbyllet duke thene se te gjitha keto ishin me shpallje nga Allahu. Per kete na ka njoftuar Allahu kur thote: "Keto nuk i kam bere nga vetja ime. Kjo eshte domethenia e asaj per te cilen nuk mund te duroje." [El Kehf, 82]. Ndersa argumenti qe ai ka vdekur, eshte Fjala e Allahut: "Asnje njeriu para teje (O Muhamed) nuk i kemi dhene pavdekshmeri. Nese vdes ti, a thua ata do te jetojne?" [El Enbija, 34]

Keto jane permblejdhje e dy fetvave te dhena nga "Komisioni i perhershem i fetvave", nga pyetja e peste e fetvase me nr. 1727 dhe pyetja e dyte e fetvase nr. 5513.

(Pyetja Nr. 35) Fatos / Kosovë: / 23-3-2008

Message: Es-selamu alejkum, Allahu ju shperblefte per mundin e juaj qe po e beni ne perhapjen e davetit te mirefillt te islamit autentik. Pyetje: A ka mundesi te na sqaroni, Allahu ju shperbleft, lidhur me pantallonat se a eshte haram me u fal me pantolona apo jo, sepse  tek vendet tona shumica mbajn pantolona pasi qe eshte zakon i keti vendi, mirepo ajo qe me shtyu te bej kete pytje ka te beje lidhur me nje fetwa te shejh Albanit me ante te se ciles ai e thot se nuk eshte e lejuar te personi te falet me pantallona?

/ 26-3-2008

Eshte e vertete se shejh Albani (Allahu e meshirofte!) ka thene se nuk lejohet qe muslimani te veshe pantallona vecanerisht kur falet, sepse ato jane veshje e mosbesimtareve dhe pershkruajne auretin. Kete e ka thene ne kaseten nr. 229, te vargut "Udhezimi dhe Drita". Por duhet pasur parasysh se shejhu i drejtohet ketu arabeve, tradita e te cileve nuk eshte veshja e pantallonave, dhe pervec kesaj, shejhu nuk thote se sikur nje musliman te falet me pantallona, namazi i tij nuk quhet, por thote se nuk lejohet. Ndersa ne nje kasete tjeter thote se falja me pantallona eshte mekruh ose haram. Por, siç dihet nga dijetaret e fikhut, nese personi vepron diçka te ndaluar gjate kryerjes se nje detyrimi, siç eshte namazi, atehere namazi i tij eshte i sakte, por personi merr gjynah per vepren e tij te ndaluar. Sigurisht, kur ajo veper nuk eshte prej atyre qe e prishin namazin. Keshtu qe ne rastin tone, nese pantallonat e zbulojne auretin (pjesen nga kerthiza deri nen gju), atehere namazi prishet. Ndersa ne rast se ato jane te ngushta dhe pershkruajne pjeset e turpshme te turpit, e sidomos ne ruku e ne sexhde, ne kete rast ka kundershtim mes dijetareve, nese eshte zbuluar aureti apo jo? Shumica e dijetareve jane te mendimit se namazi nuk prishet por personi merr gjynah dhe nese ai ka mundesi, duhet t'i nderroje ato pantallona.

Shejh Feuzani u pyet: A lejohet namazi me pantallona per gruan apo per burrin, dhe nese gruaja vesh rroba te lehta qe nuk e shfaqin auretin e saj, çfare gjykimi ka ne kete rast?

Ai u pergjigj: Rrobat e ngushta te cilat i pershkruajne pjeset e trupit, dhe ato qe pershkruajne trupin e gruas dhe gjymtyret e saj, nuk lejohet te vishen. Rrobat e ngushta nuk lejohet te vishen as nga burrat dhe as nga grate, megjithese per grate ndalesa eshte me e forte per shkak se provokimi tek ato eshte me i madh. Ndersa namazi ne keto rroba, nese njeriu falet duke e mbuluar trupin e tij me keto rroba, namazi ne vetvete eshte i sakte, per shkak se ai e ka mbuluar auretin, por ai qe falet me rroba te ngushta merr gjynah, pasi qe mund te lere mangut diçka prej namazit nga rrobat e ngushta, si dhe nga ana tjeter, ai behet shkak per provokim dhe terheqje te vemendjes tek ai, e veçanerisht grate.

Po keshtu, ne lidhje me veshjen e pantallonave i eshte drejtuar nje pyetje "Komisionit te perhershem te fetvave" ne Arabine Saudite, dhe pergjigja ka qene se: Veshja e pantallonave, e kustumit dhe te ngjashme me to, origjina ne llojshmerine e veshjeve eshte e lejuar, sepse kjo lidhet me traditat e njerezve, por ketu perjashtohen ato qe jane ndaluar me argument te sheriatit, siç eshte ndalimi i mendafshit per burrat, rrobja e tejdukshme, rrobja e ngushte qe pershkruan auretin, sepse ne kete rast eshte njesoj si zbulimi i auretit. Po keshtu rrobat qe jane tipike te mosbesimtareve nuk lejohet te vishen as nga burrat dhe as nga grate, sepse Pejgamberi ka ndaluar nga te ngjasuarit me mosbesimtaret. Ndersa veshja e pantallonave nuk eshte tipike per mosbesimtaret, por nje veshje e pergjithshme e cila vishet si nga mosbesimtaret edhe nga muslimanet ne vende te ndryshme... [Fetvaja nr. 4566].

Pra, ruaju vella dhe kujdesu qe pantallonat e tua te jene sa me te gjera dhe kemisha jote sa me e gjere dhe e gjate, me qellim qe te mbulosh sa me mire auretin tend dhe te kenaqesh Zotin tend.

Por duhet pasur parasysh se nuk lejohet zgjatja e pantallonave nen nyjet e kembeve, qofte me mendjemadhesi apo pa mendjemadhesi, sepse Pejgamberi (salallahu alejhi ue selem) ka thene: "Tre personave, Allahu nuk ka per t'u folur ne diten e Kiametit, nuk ka per te pare tek ata dhe nuk ka per t'i pastruar!" Te pranishmit thane: "Paskan humbur dhe jane shkaterruar! Kush jane ata, o i deguari i Allahut?" Tha: "Ai qe zgjat rroben, ai qe te kujton te miren qe te ka bere, dhe ai i cili e shet mallin e vet me betim te rrejshem." [Muslimi, etj]. Pejgamberi (salallahu alejhi ue selem) gjithashtu ka thene: "Ajo qe zgjatet poshte nyjeve (kyceve) te kembes, do te jete ne zjarr! (pjesa e kembes poshte nyjes qe mbulohet nga rrobja, do te jete ne zjarr)." [Buhariu, etj]. Ne nje hadith tjeter thuhet: "Ne zgjatjen e rrobes nen nyje hyjne sirvalet (shallvaret qe vishen nga mezi e poshte), kemisha (rrobja qe mbulon te gjithe trupin nga shpatullat deri nen gju) dhe Imamja (shalli qe mblidhet rreth kokes). Kushdo qe terheq zvarre me mendjemadhesi diçka prej ketyre, ate nuk ka per ta pare Allahu ne diten e kiametit." [Sahih; Ebu Daudi 4094,Iben Maxheh 3576]. Iben Uthejmini (Allahu e meshirofte!) thote: "Mund te thuhet se zgjatja e rrobes nen kycin e kembes eshte dy llojesh: 1. Nga mendjemadhesia, gje e cila eshte nga gjynahet e medha dhe per kete ka ardhur kercenim i rende ne hadith, dhe 2. Jo nga mendjemadhesia, dhe ne kete rast mund te thuhet se denimi i tij eshte me i lehte se i pari, por pjesa poshte nyjes do te digjet ne zjarr, siç thuhet ne hadith." [Fetava Nurun ala derb].

Allahu e di me mire, dhe paqja e bekimet e Allahut qofshin mbi te derguarin tone, Muhamedin, familjen dhe shoket e tij!

(Pyetja Nr. 34) Ahmed / Kosovë: / 16-3-2008

Message: Es-selamu alejkum jame i kenaqem me kete forum Allahu ju shperbleft.
Deshta t'ju pyes se pasi i kam ble disa kemisha te nje lloji, por nga se largu duken ne ato kemisha si pika te vogla e tere materiali si zbukurim, por te shpija e verejta se ato nuk ishin pika por jane lloje lulesh dhe nje lule i pergjan lules ''Detelin'' me kater fleta, por une jame shume ne dyshim per mua duket si nje kryq ne formen e plusit, na keshillo pasi e kemi hadithin ai qe largohet dyshimit e ka mbrojtur fejen.

/ 24-3-2008

Perderisa figurat e kemishes jane ne formen e kryqit, atehere nuk te lejohet ta veshesh ate kemishe vella, dhe as t'ia dhurosh dikujt tjeter. Allahu e di me mire, dhe Allahu na dhente sukses ne arritjen e kenaqesise se Tij!

(Pyetja Nr. 33) Abdulvehabi / Gjermani: / 22-3-2008

Message: Ne lidhje me hadithin: "Ed dijnu en nasiha", une e kam nje liber ku e kan perkthy se "dini (feja) eshte kishille per Allahun", a eshte ky perkthim tamam?

/ 22-3-2008

Kete hadith e ka permendur Buhariu si titull te nje teme ne Sahihun e tij dhe e ka permendur Muslimi me sened te rregullt, si dhe e kane nxjerre gjithashtu autoret e suneneve. Hadithin e transmeton Temijm ed Dari (radiallahu anhu), i cili thote se Pejgamberi (salallahu alejhi ue selem) tha: "Feja eshte sinqeriteti!" Thame: "Per cilin?" Ai tha: "Per Allahun, per librin e Tij, per te derguarin e Tij, per prijesit e muslimaneve dhe per masat e gjera te tyre."

Pra, ne kete hadith, domethenia e fjales "en nasiha" eshte: "sinqeriteti". Prej ketu, domethenia e "keshilles" eshte: t'i ofrosh tjetrit fjale te sinqerte duke pasur per qellim vetem te miren e tij dhe jo ndonje interes tendin apo gje tjeter.

Ne sqarim te ketij hadithi, Iben Haxheri thote: "Feja eshte sinqeriteti", mund te thuhet se eshte per qellim zmadhimi i ceshtjes se sinqeritetit, d.m.th. me kuptimin: "Shumica e fese eshte sinqeriteti", siç thuhet edhe ne hadithin: "Haxhi eshte Arafati (qendrimi ne Arafat)". Por kjo mund te merret edhe ne kuptimin e drejtperdrejte, sepse çdo veper ne te cilen njeriu nuk ka sinqeritet, ajo nuk eshte prej fese.

Per kete hadith thuhet se ai eshte nje e katerta e fese, madje Neveviu thote: "Ky hadith i vetem e perfshin te gjithe qellimin e fese, sepse ai kufizohet ne ato gjera qe jane permendur ne te: Sinqeriteti per Allahun eshte: te cilesuarit e Tij me ato cilesi qe i takojne, nenshtrimi ndaj Tij ne publik dhe ne fshehtesi te vetes tende, deshira per kryrjen e atyre qe Ai do duke iu bindur Atij dhe frika nga zemerimi i Tij duke lene ndalesat e Tij, si dhe perpjekja per kthimin e atyre qe thyejne urdhrin e Tij tek Ai...

Ndersa sinqeriteti per librin e Allahut eshte: te mesuarit e tij dhe te mesuarit e tij te tjereve, te kuptuarit e tij, te mesuarit e ligjeve te tij dhe te vepruarit me ate qe thuhet ne te, si dhe ruajtja e tij nga devijimet e devijuesve.

Ndersa sinqeriteti per te derguarin e Allahut eshte: madherimi i tij, perkrahja e tij i gjalle dhe i vdekur, ngjallja e sunetit te tij, marrja e tij per shembull ne fjalet dhe ne veprat e tij, dashuria per te dhe per ndjekesit e tij.

Sinqeriteti per prijesit e muslimaneve eshte: ndihmesa e tyre ne barren qe kane marre persiper, kujtimi i tyre ne rast pavemendesie, mbulimi i tyre kur rreshqasin (ne ndonje ceshtje dynjaje), bashkimi pas tyre, kthimi i zemrave te larguara tek ata, dhe sinqeriteti me i madh ndaj tyre eshte t'i ndalosh nga padrejtesia me menyren me te mire. Tek prijesit e muslimaneve perfshihen gjithashtu edhe dijetaret dhe sinqeriteti ndaj tyre eshte duke perhapur dijen e tyre, virtytet e tyre dhe duke pasur mendim te mire per ta.

Ndersa sinqeriteti per masat e gjera te muslimaneve eshte: butesia ndaj tyre, perpjekja per t'u bere mire, t'u mesosh ate qe u ben dobi, te mos u besh keq ne asnje forme, te duash per ta ate qe do per vete dhe te urresh per ta ate qe urren per veten tende. [Fet'hul Bari, 1/181]

Paqja dhe bekimet e Allahut qofshin mbi te derguarin tone, Muhamedin, familjen dhe shoket e tij!

(Pyetja Nr. 32) Abdurrahmani / Itali: / 22-3-2008

Message: Desha tju pyes vellezer musliman per nje ceshtje. Punoj tek nje shqiptar por me paguan per nje dit une punoj dy dite dhe nuk me paguan. Une kam mundesi ti mbaj leket edhe per diten qe nuk me paguan se eshte pun tregtie. A lejohet kjo gje apo jo? Allahu jua shperbleft.

/ 22-3-2008

Origjina eshte qe mes teje dhe pronarit te punes te kete nje kontrate te rregullt dhe te rene dakord nga te dyja palet per punen dhe kushtet e saj si dhe per pagesen dhe menyren e dhenies se saj. Nese jeni marre vesh per punen dhe pagen, dhe njera pale nuk i permbahet asaj por vepron padrejtesisht ne dhenien e pages, atehere ti mund t'ja permendesh kete gje punedhenesit, e nese gjendja vazhdon e njejte, atehere te lejohet te marresh te drejten tende sipas asaj qe keni rene dakord dhe jo me shume, duke u argumentuar me hadithin e Hind bintu Utbeh, e cila tha: "O i Derguari i Allahut! Ebu Sufjani eshte njeri tahmaqar dhe nuk me jep aq sa me mjafton mua dhe femijeve te mi, vetem nese marr nga pasuria e tij pa dijenine e tij." Pejgamberi i tha: "Merr aq sa u mjafton zakonisht, ty dhe femijeve te tu." [Buhariu dhe Muslimi]. E Allahu e di me mire!

(Pyetja Nr. 31) Hava / Prizren: / 22-3-2008

Message: selam alejkum.
A mundet harami me u ba hallall dhe e kunderta? Nese PO, mundesisht disa shembuj..

/ 22-3-2008

Lavderuar qofte Allahu, i Cili nuk na ka bere asgje te veshtire ne Fe, siç thote ne Librin e Tij: "...Ai ju ka zgjedhur dhe nuk ju ka vënë asnjë barrë në fenë tuaj, fenë e babait tuaj, Ibrahimit." [El Haxh, 78]. Allahu i ka caktuar urdheresat dhe ndalesat e Tij, jo me kot, por per te miren e njeriut me qellim qe te beje jete te lumtur dhe te mire ne kete bote dhe ne boten tjeter. Keshtu qe, kur njeriu eshte ne veshtiresi dhe i ndodhin te papritura qe i kercenojne fene e tij, jeten e tij, nderin, pasurine, apo vatanin, atij i lejohen gjera qe ne origjine jane te ndaluara, pasi qe ruajtja e ketyre gjerave eshte paresore dhe ligjet jane vendosur pikerisht per te plotesuar dhe permbushur keto gjera kryesore te cilat dijetare i kane quajtur "pese domosdoshmerite". Kur vihen ne pikepyetje keto pese gjera apo çka sillet rreth tyre, atehere lejohet qe te veprohet diçka e ndaluar ne origjine, nese nuk ka rruge tjeter perveç te ndaluares sigurisht, sepse nese ka menyre tjeter per ruajtjen e tyre, atehere veprohet e lejuara. Argument per kete nga Kurani kemi Fjalen e Allahut: "Kushdo që mohon Allahun, pas pranimit të besimit, (do të dënohet ashpër), përveç atij që është i detyruar me forcë, ndërkohë që zemra e tij është plot besim. Ndërsa ata që ia hapin zemrën mosbesimit, do të kenë mbi vete zemërimin e Allahut dhe një dënim të madh." [En Nahl, 106]. Pra, Allahu e ka lejuar qe te shprehet fjala e kufrit ne rast rreziku per jeten dhe detyrimi me force.

Po keshtu, ne rast se njeriu eshte ne rrezik per jeten apo ne gjendje veshtiresie e urie, atij i lejohet te haje nga gjerat e ndaluara nese nuk gjen ushqim te lejuar. Ne kete rast i lejohet te haje te ngordhten, mishin e derrit, gjakun etj. Prandaj edhe ne vitin e urise, Umeri (radiallahu anhu) nuk i preu duart e vjedhesve, sepse shkaku ishte uria, e cila ben te lejuar te ndaluaren per te shpetuar jeten. Madje muslimani e ka detyrim qe ne rast rreziku per jeten dhe kur nuk ka gjera te lejuara, qe te haje prej te ndaluarave, sepse Allahu thote:

(Pyetja Nr. 30) Abu Abduliah / Kanada: / 18-3-2008

Message: Nje muslimane e ka pranu islamin po prindt e saj jon qafira, edhe ata se lejojn mu fal qofte edhe sikur te lere shtepine. Vendi ku munet mu fal pa fillu naj fitne eshte veceja. edhe ne vece nuk munet mu kthy kah kibla. A lejohet per te mu fal ne keto kushte ? Ose a kini naj sugjerim tjeter per kit moter?

/ 22-3-2008

Se pari, lusim Allahun t'ia lehtesoje gjendjen kesaj motre dhe ta beje te qendrueshme ne sproven e saj, qe ta kaloje ate me sukses! Ne kete rast, muslimani duhet te veproje sipas mundesise qe ka, sepse Allahu nuk ngarkon askend me teper se mundesia qe ka, dhe Allahu do lehtesim per njerezit dhe jo veshtiresim. Keshtu, personi ne fjale e sheh vet gjendjen dhe menyren se si me u fal pa e vene re ata te shtepise qe e ndalojne nga namazi, qofte edhe duke u fal ne shtratin e vet dhe me i kry levizjet e namazit me koke, nese ka frike se mos e shohin. Gjithmone ka menyre dhe zgjidhje, vetem se duhet ta gjesh ate qe eshte me e pershtatshme. Ndersa per kryrjen e namazit ne banje, ka ardhur hadith i sakte qe e ndalon kete, ku thuhet: "E gjithe toka eshte e paster per mua, perveç varrezave dhe banjes." [E transmeton Ebu Daudi, Tirmidhiu, etj.] Dhe per lejimin apo jo te kryerjes se namazit ne banje nuk ka pajtim mes dijetareve, megjithese shumica jane te mendimit se nuk lejohet, bazuar ne kete hadith. Dikush tjeter thote se lejohet nese ne banje ka vend te paster dhe je i sigurte nga papastertite. Sidoqofte, ne rast domosdoshmerie, Allahu na i ka lejuar edhe ato qe jane te ndaluara, si lehtesim per ne. Ndaj, personi ne fjale e sheh vet gjendjen e saj dhe menyren se si me vepru, dhe t'i lutet Allahut, sepse Allahu eshte afer dhe degjon, deri sa Allahu t'i hape rruge dhe t'i jape zgjidhje, sepse vertet qe pas veshtiresise vjen lehtesimi. Lusim Allahun te mos na sprovoje me teper mundesive tona, dhe te na jape durim kur na sprovon! Allahu ka ne dore çdo gje dhe vetem Ai jep sukses!

(Pyetja Nr. 29) Umeri / Londër: / 14-3-2008

Message: Es-selamu alejkum ue rahmetullah!

Jetojme ne nje vend jo musliman, dhe parate i kemi te depozituara ne banke per arsye legjitime. Per keto para te depozituaara ne banke aplikohet nje norme interesi i caktuar. Kuptohet qe Shuma e parave do rritet ne krahasim me shumen e depozituar nga ana jone. Per shumen e shtuar per shkak te interesit kemi degjuar qe thone mos i perdorni por merrini nga banka dhe i shpenzoni  ne ambiente publike apo shoqata bamirese, ku perfitojne te varferit apo i gjithe populli.
A ka mundesi qe te na e sqaroni kete qeshtje vella? 
Kush quhen ambiente publike, duke pasur parasysh qe jetojme ne vend jo musliman?
Deshironim nje keshille nga ana e juaj se ku eshte vendi me i pershtatshem per perdorimin e ketyre parave? 
Barakallahu fijke!

/ 15-3-2008

Së pari, nuk lejohet vendosja e parave në bankë që punon me fajde, përveç në rast detyrimi dhe domosdoshmërie, si dhe kur nuk ka mënyrë tjetër për ruajtjen e tyre, siç janë kutitë e ruajtjes me pagesë apo ngjashëm me to. E rëndësishme është që t’i shmangesh fajdeve sa të mundesh, e nëse nuk ka mënyrë tjetër, atëherë ato fajde që shtohen mbi pasurinë origjinale, nuk i takojnë as bankës dhe as personit që ka futur paret në të, si dënim për shkeljen e ligjit dhe futjen në punë të tyre me rrugë të ndaluar, d.m.th. me fajde. Në këtë rast, personi që i ka marrë ato fajde duhet të çlirohet prej tyre për të pastruar veten nga ato para të fituara me haram, duke i shpenzuar ato në rrugë bamirësie, por pa i llogaritur se i quhen sadaka, sepse Allahu nuk pranon veçse të mirën dhe të lejujarën, por për t’u çliruar prej tyre. Nuk lejohet që me to të ndërtohet xhami, dhe lejohet të vendosen në të gjitha rrugët e tjera ku zakonisht vendosen bamirësitë, si për të varfërit, jetimët, shoqatat bamirëse, etj. Ndërsa kur thuhet që të shpenzohen në ambjente publike ku përfitimi është i përgjithshëm, sigurisht që janë për qëllim ambjentet muslimane, në vendet muslimane ose në lagjet muslimane nëse janë në një vend jomusliman.
Rrugët e bamirësisë janë të shumta, dhe ju mund të çliroheni prej atyre pareve duke i shpenzuar aty ku shihni se bëjnë më shumë dobi, por duke pasur parasysh se nuk lejohet që të bëhet marrëveshje me një shoqatë apo anë të caktuar që fajdet e marra nga banka për çdo vit, për shembull, do të vazhdojnë t’u dërgohen atyre, sepse në këtë rast ka ndihmesë të personit që të vazhdojë në vendosjen e pareve në bankë me fajde.
Të gjitha këto janë mbledhur nga një numër i madh fetvash të dijetarëve, e veçanërsisht nga fetvatë e “Komisionit të përhershëm për kërkimet shkencore dhe për fetva”, me kryetar shejh Ibën Baz. Po mjaftohemi me përmendjen e numrave të disa fetvave, pa përmendur tekstet e tyre për të mos u zgjatur, dhe sepse përmbajetjen e tyre e përmendëm më sipër. Prej atyre fetvave janë: Pyetja e parë nga Fetvaja nr. 3745, pyetja e nëntë nga fetvaja nr. 6375, pyetja e dytë nga fetvaja nr. 7492, fetvaja nr. 13171, fetvaja nr. 17538, e shumë fetva të tjera në lidhje me këtë temë.
Allahu e di më mirë, dhe paqja e bekimet e Allahut qofshin mbi pejgamberin tonë, Muhamedin, familjen dhe shokët e tij!

(Pyetja Nr. 28) Abdurrahman / Itali: / 14-3-2008

Message: selam alejkum.Allahu ju shperblefte per punen qe beni dhe ju shtofte vullnetin per te punuar akoma me shume per fene e Allahut.kisha nje pyetje vella?-perpara se te lexoja pergjigjen siper per çeshtjen e E...qe eshte apo jo me mish derri nuk kam pasur dyshime per ngrenien e ketyre produkteve por tani qe lexova pergjigjen e mesiperme qe shejh Aliu e ka bere te dyshimte(keshtu e kuptova une),kam rene edhe une ne dyshim por duke qene se nuk kam argument nuk di se si ti keshilloj vellezerit te cilet i perdorin keto produkte.atehere si te veproj per veten dhe si te sillem me vellezerit e tjere?

/ 14-3-2008

Përfundimi eshte se produktet qe permbajne ato germa per te cilat dyshohet te kene permbatje derri, duhet t'u largohesh, sepse me e pakta eshte te thuhet se ato jane te dyshimta dhe ne duhet t'u largohemi atyre per kete arsye, sepse nese do te ishte e sigurte se ato jane ashtu si thuhet, atehere eshte haram i prere ngrenia e tyre. Pra, shejh Aliu keshillon t'u largohemi atyre, siç thuhet edhe ne hadithin e permendur atje.

(Pyetja Nr. 27) Bedriu / Suedi: / 14-3-2008

Message: esselamu alejkum te nderuar, e lus Allahun te jeni shendoh e mire.

Eshte nje teme ne faqen e pare te websajtit me titull ''LIBRAT E NXËNËSIT TË DIJES''shume me kuptim te plote per te gjithe ata qe deshirojn ta mesojn diturin e paster islame. Por na tregoni se prej ketyre librave qe jane te permendur por  disa prej tyre jane te perkthyer por nuk jane me spjegim te mjaftushem, por ashtu ne hadith i kemi te perkthyer disa libra por pa spjegim, na keshilloni se a duhet ti kemi te gjitha keta libra ne rraften e shtepis tone apo disa prej ketyre mjafton ti kemi? Me respekt, esselamu alejkum.

/ 14-3-2008

Librat e permendur nga shejh Iben Uthejmini jane shembuj dhe orientim per nxenesin e dijes, por jo se ato jane te gjitha dhe jo se nuk ka te tjera si ato apo ne nivelin e tyre. Shejhu eshte perpjekur te permend disa libra sipas grades se dijes se nxenes ne çdo lende, ato te cilat ka pare me te rendesishme apo te mjaftueshme. Por padyshim qe ka edhe libra te tjere ne te cilat mbeshtetet nxenesi i dijes sipas grades se dijes qe ai ka. Nese dikush ka mundesi dhe i mbledh keto libra apo aq sa te mundet prej tyre, kjo eshte me e mire per te. Por edhe nese gjen libra te tjere te mire, atehere te perpiqet t'i mbledhe dhe keshtu perparon ne dije, me ndihmen e Allahut. Allahu na dhente dije te dobishme dhe na befte dobi me dijen qe na jep!

(Pyetja Nr. 26) Ebu Abdilah / Kanada: / 14-3-2008

Message: asselamu aleykum, ne qofse dikush jep selaam ne radio ose TV  a duhet ose a esht e lejume per ata qe e ndegjojn at audio me ju pergjigj ati selami, mosi ata nuk e  ndegjojn njani tjetrin?

/ 15-3-2008

(Pyetja Nr. 25) Abdulaziz / Lushnjë-Shqipëri: / 14-3-2008

Message: selamun alejkum. Doja te beja nje pyetje: "A lejohet te hahet ajo gje e cila ka nje perqindje shume te vogel alkooli dhe ate perqindje e ka vetem per konservim? Allahu ua shperblefte!

/ 15-3-2008

Alkooli është lëndë dehëse dhe siç dihet nga fjala e Pejgamberit (salallahu alejhi ue selem): “Çdo pije dehëse është haram” [Muttefekun alejhi]. Po ashtu, Pejgamberi (salallahu alejhi ue selem) ka thënë: “Ajo lëndë që të deh kur është shumë, atëherë edhe pak prej saj është e ndaluar.” [Sahih. E ka nxjerrë Ebu Daudi 3681, Tirmidhiu 1865, Nesai 5607, Ibën Maxheh 3392. Shih “Gajetul Meram” 58]. Kjo është origjina në lidhje me pijet dehëse, kur ato përdoren për t’u pirë apo për t’u futur në trup në formë ushqimi apo ilaçi. Por, nëse disa ushqime apo ilaçe përziehen me lëndë alkoolike, atëherë cili është gjykimi për përdorimin e tyre?
Këto ushqime apo ilaçe janë të ndaluara, përveç një rasti të vetëm; n.q.s. alkooli i përzierë me to, qoftë në përqindje të vogël apo të madhe, avullon dhe nuk lë gjurmë në atë ushqim apo ilaç, sepse në këtë rast ai nuk të deh edhe nëse është shumë. E Allahu e di më mirë.
Ky është përfundimi i fetvasë së shejh Ibën Uthejmin, në “Fetava Nurun Ala ed Derb”, [http://www.ibnothaimeen.com/all/noor/article_5320.shtml ], dhe i fetvasë së shejh Albanit, në kasetën nr. 491, fetva nr. 4, nga Vargu i kasetave “Udhëzimi dhe drita”.

(Pyetja Nr. 24) Umu Hamza / Kosovë: / 14-3-2008

Une e kam nje pytje qe ka te bej me namazin e udhtarit ,,, sa e  di une qe nese jemi udhtar duhet ta shkurtojim namazin vetem 3 dite ,,,, por e kam lexuar ne internet se Abdullah Iben Omeri ka pasur nje kopsht e ka shkua atje 2 muj dite e shkurtonte namazin dhe kinse largesia e tij nga shtepia ishte 12 km. nuk di a eshte hadith apo cka ju lutem ma sqaroni Allahu ju shperblefte dhe nese eshte hadith, a lejohet me u bazue ne te? esselamu alejkum.

/ 15-3-2008

Thuajse gjithçka në lidhje me rregullat e namazit të udhëtarit i gjen në broshurën e shejh Ibën Bazit (Allahu e mëshiroftë). Shko te ai artikull duke klikuar këtu.

Shenim: Shejh Ibën Bazi, Allahu e meshirofte, zgjedh mendimin e shumices se dijetareve qe thote se udhetimi kufizohet me afro 80 km, dhe se udhetimi me pak se 80 km nuk quhet udhetim qe ben te lejuar shkurtimin e namazit dhe rregullat e tjera te udhetimit. Por ne anojme nga mendimi i shejh Albanit, Allahu e meshirofte, i cili thote se per udhetimin nuk ka ndonje largesi te caktuar ne km, per shkak se dicka e tille nuk ka argument dhe me e sakte eshte te thuhet se kete gje e percakton zakoni i njerezve te cdo vendi; kur personi quhet udhetar sipas zakonit te njerezve, ai eshte udhetar edhe nese largesia nga shtepia e tij ne vendin ku ka shkuar eshte e vogel. Fetvaja e shejh Albanit ne lidhje me kete eshte ne kaseten nr. 701, fetva nr. 1. min: 0.4.16.