(Pyetja Nr. 24) Emine / Itali

Message: selam alejkum te gjithve allahu xh.sh ju shperbleft inshalla. e kisha 1 pyetje: desha ta di un kam humbur disa dit te agjerit vitin e kaluar edhe disa dit tjera tash jam duke agjeruar te henen edhe te ejten desha ta di a esht mir ky veprim apo duhet te bej dicka tjeter. dhe desha ta di un kam shum deshir te falem mirpo kam shum frik se ndoshta gaboj dicka edhe nuk e di se kam gabuar por edhe jam ne pun te cilen namazin nuk mundem ta fal ne koh dhe nuk di si te veproj.. inshalla e kuptoni pyetjet qe i kam ber allahu ju shperbleft paqa dhe lumturija te jen mbi ju ..

/ 08-03-2012

Vazhdo te agjerosh te hene e te enjte deri sa te plotesosh ditet e lena nga ramazani dhe me pas vazhdo me tutje t'i agjerosh keto dy dite ne menyre vullnetare per shperblimin e madh qe ka tek Allahu agjerimi, dhe sepse agjerimi i te henes dhe i te enjtes eshte nje veper qe i Derguari i Allahut (salallahu alejhi ue selem) e bente gjithnje.

Kurse per namazin duhet te marresh kurajo dhe te falesh me aq sa di dhe duke mesuar gradualisht, por e rendesishme qe te falesh sepse namazi eshte lidhja kryesore e besimtarit me Zotin e tij dhe Zoti nuk e ka bere te veshtire namazin dhe nuk e ka bere ne ate menyre qe nje gabim i paqellimshem ta prishe ate, por e ka bere te thjeshte dhe e fal cdo gabim qe behet ne te paqellim apo nga harresa. 

Kurse namazet qe nuk mund t'i falesh kur je ne pune, fali kur te kthehesh ne shtepi apo menjehere sa te jepet mundesia. Nje permbledhje per formen e namazit e gjen ne kete link: http://www.rrugetepaqes.net/fikh/namazi/namazi.html#permbledhje

(Pyetja Nr. 23) Anonim / Prishtine:

Message: Selam Alejkum
Une zakonisht agjeroj te henen dhe te enjten dhe ha buke para se te bie meqe gjate dimirit koha eshte e shkurt,kushtet nuk jane aq te mira dhe jam i vetem qe te ngrihem ne syfyr.Kam ngrene buke me qellim te agjerimit mirepo kete nijet zakonisht e konfirmoj edhe njeher para mesdites(nijetin me zemer).Pas faljes se sabahut si duket kam pasur probleme me epshin dhe vendosa qe te mos e agjeroj.Cka mendoni rreth kesaj ceshtje, ka nevoje per kompensim apo jo? Ma beni hallall, Allahu ju shperblefte!.

/ 21-02-2012

Kur agjeron agjerim nafile dhe gjate dites e prish ate, kompensimi i asaj dite nuk eshte i detyrueshem sepse i Derguari i Allahut (salallahu alejhi ue selem) ka thene: ""Ai qe agjeron vullnetarisht eshte prijes i vetvetes, nese do agjeron e nese do e prish agjerimin." (Hadith i sakte. Sahihu el Xhami', 3854, i shejh Albanit). Por shume dijetare jane te mendimit se kompensimi ne kete rast eshte i preferuar dhe i pelqyeshem. E Allahu e di me mire.

(Pyetja Nr. 22) Fisnik / Manastir (Shqiperi):

Message: A llogaritet si agerim ne muajin sheval nese pa qellim prishet nje dite e 6 diteve dhe a dihet te agjerohet prap ajo dite qka e kemi prish agjerimin ne harrese dmth pa qellim?

/ 28-09-2011

Ato dite qe i arrin nga muaji i Shevalit te llogariten prej tyre, e nese te shpeton ndonje dite, thjesht vazhdo te agjerosh te hene e te enjte sa te mundesh, sepse kompensim te asaj dite nuk ka, sepse ato 6 dite agjerohen vetem ne sheval dhe nuk jane te detyrueshme, kurse ai qe kompensohet eshte vetem agjerimi i detyrueshem, pra nese prish ndonje dite nga Ramazani. Allahu eshte i Gjithedijshmi.

(Pyetja Nr. 21) Musliman / Zvicer:

Message: Eselamu Alejkum. Deshta me dit a është e lejuar me majt Ramazan nese ke pas marrdhenie me gruan ose duhet separi me u pastru me mar gusul pastaj me majt ramazan. Allahu ju shpërbleft.

/ 23-08-2011

Agjerimi fillon nga koha e agimit me erresire para se te filloje te zbardh dhe vazhdon deri sa te perendoje dielli. Gjate kesaj kohe nuk lejohet te hash e te pish dhe as te kryesh marredhenie me gruan, perndryshe prishet agjerimi dhe merr gjynah. Por nese ke kryer marredhenie gjate nates dhe nuk ke mundur te lahesh vecse pasi te lind djelli, atehere lejohet qe te vazhdosh agjerimin dhe te lahesh kur te zgjohesh, e Allahu e di me mire.

(Pyetja Nr. 20) Luljeta:

Message: Selamu alejkum ue rahmetullah.
Me porositi nje moter qe te ju parashtroi kete pyetje mbasi po na afrohet ramazani.
pyetja eshte kjo: a prishet agjerimi,nese ben kontroll gjinekologjike mbrena (dmth kontrollim vaginal),sepse kjo tani ne mes ramazanit e ka kontrollen,e po ka frik se mos i prishet ramazani gjat kesja kontrolles? Allahu ju shperbleft per punen qe e beni.

/ 10-07-2011

Dijetaret kane disa mendime ne lidhje me prishjen apo jo te agjerimit kur gruaja detyrohet te beje vizite gjinekologjike gjate dites ne muajin e Ramazanit, e ndoshta mendimi me i sakte ne lidhje me kete ceshtje eshte ai qe ka zgjedhur edhe Iben Tejmije (Allahu e meshirofte!), se kjo gje nuk e prish agjerimin e gruas, e Allahu e di me mire.

(Pyetja Nr. 19) Enes / Itali:

Message: selamu alejkum si qendron puna e atij qe prish agjerimin ne ramazan nje dite me qellim?

/ 09-07-2011

Prishja e nje dite agjerimi nga muaji i Ramazanit, pa arsye te konsideruar ne Islam, eshte prej gjynaheve te medha dhe shkaterruese te veprave te besimtarit, dhe personi qe e ben kete duhet te pendohet menjehere dhe siqnerisht tek Allahu, e te shtoje sa me shume veprat e mira dhe agjerimin vullnetar, plus agjerimit te asaj dite te prishur, me pas. Disa dijetare jane te mendimit se kush prish nje dite nga Ramazani, ai nuk mund ta shpaguaje ate dite edhe sikur te agjeroje gjate gjithe kohes deri sa te vdese, kurse te tjere thone se ai eshte ne doren e Allahut ne diten e Kiametit: nese do, e fal, e nese jo, do e denoje. Transmetohet nga Ebu Hurejra se ai ka thënë: Erdhi  një burrë tek i Dërguari  (Paqja dhe lavdërimi i Allahut qoftë me të) dhe tha: O i Dërguari i Allahut, u shkatërrova! Tha: "E çfarë të shkatërroi ty?" Tha: Kam kryer mardhënie me bashkëshorten në Ramazan. Tha: "A ke mundësi të lirosh një rob?" Tha: Jo. Tha "A mundesh të agjërosh dy muaj në mënyrë të pa ndërprerë?" Tha: Jo. Tha: "A mundesh të ushqesh gjashtëdhjetë të varfër?" Tha: Jo. Tha "Ulu!" Burri u ul. I Dërguari (Paqja dhe lavdërimi i Allahut qoftë me të) solli një enë të madhe e mbushur me hurma dhe i tha atij: "Jep sadaka me këto!" Burri tha: Nuk ka midis dy kodrave ndonjë familje më te varfër se ne. (Ebu Hurejra thote): I Dërguari i Allahut (Paqja dhe lavdërimi i Allahut qoftë me të) qeshi saqë ju dukën dhëmballët dhe tha: "Merri dhe ushqeje familjen tënde me to." [Tirmidhiu, Sahih].

Nisur nga ky hadith e nga hadithe te tjera, dijetaret jane ndare ne disa grupe ne lidhje me ate qe e prish agjerimin duke ngrene apo pire me vetedije ne Ramazan, e ndoshta mendimi me i sakte eshte ai qe e permendem ne fillim, e Allahu eshte i Gjithedijshmi.

(Pyetja Nr. 18) Enes / Itali: / 23-06-2011

Message: selamu alejkum. 1 pytje: nese ne muajin ramazan ke nijetin me marr pjese ne nje gezim familjar por per te marr pjese nuk duhet te jesh agjerueshem nese bej nje udhetim e pastaj vij me vone ne ate gezim, a duhet te agjeroj pas udhetimit fill apo duhet te pres  sa te vij dita tjeter?

/ 24-06-2011

Kur je ne udhetim, te lejohet ta prishesh agjerimin dhe diten apo ditet e prishura t'i agjerosh me vone, pas Ramazanit. Dita qe ke qene ne udhetim por gjate se ciles je kthyer ne shtepine tende, nese e ke prishur agjerimin e asaj dite, ajo nuk vlen me per t'u agjeruar, por duhet ta agjerosh pas Ramazanit, por nese njerezit e vendit tend jane agjerueshem, nuk duhet te hash apo te pish ne publik, e ne sy te njerezve, qofte edhe nese ti ke justifikim per mosagjerimin e asaj dite. Kjo eshte pergjigja per aq sa e kuptuam pyetjem, e nese ke qellim dicka tjeter, atehere na e sqaro. E Allahu eshte i Gjithedijshmi.

(Pyetja Nr. 17) Mile / Prishtine: / 12-03-2011

Message: selam alejkum, me eshte obliguar agjerimi qe nga kl e 6 por une kam filluar te agjeroj ne kl 9 a duhet ti agjeroj vitet qe me kane humbur, apo vetem mjafton te pendohem?

/ 20-03-2011

Kur nje vajze muslimane mbush moshen e pubertitetit, asaj i behet i detyrueshem agjerimi i muajit te ramazanit, si dhe 5 namazet e perditshme. Nese nje vajze e mbush moshen e caktuar dhe nuk agjeron apo nuk falet per shkak te padijes apo neglizhences, ajo duhet te mesohet nga prindi, dhe te pendohet per kete neglizhim ndaj Allahut, pastaj te agjeroje ditet e lena pa agjeruar, si dhe njekohesisht te ushqeje nje te varfer (nje vakt) per cdo dite agjerimi. Menyra me e mire per t'i plotesuar keto muaj agjerimi eshte qe te agjerohen cdo jave nga dy dite (te hene e te enjte), ose nje dite po e nje jo, e keshtu deri sa te plotesohen te gjitha ditet e lena pa agjeruar. Nese behet ndonje gabim apo harrese ne llogaritje, mirret per baze ai numer qe mendon se eshte me i sakte. [El Munteka min Fetava el Feuzan, 11/83].

Edhe pse mund te duket i rende ky kompensim i agjerimit te kaluar, por shperblimi per te tek Allahu eshte shume i madh, e Allahu nuk i humbet asgje robit te Tij, por ia shumefishon ate dhe i largon shume te keqia, si dhe i jep sukses ne cdo hajer, ne kete bote dhe ne boten tjeter. Allahu eshte Bujari me i Madh, i Gjithedituri ne hollesi per cdo krijese te Tij.

(Pyetja Nr. 16) Anonim / Suedi: / 11-11-2010

Message: Esselamu alejkum.
1. Kur lejohet te behet nijeti i agjerimit nafile gjate dites dmth para kohes se drekes apo pas drekes?
2. Nga hoxhallaret kemi degjue se lejohet pastrimi i dhembeve gjate dites nese njeriu eshte i agjeruar, por ne disa fetwa thuhet se agjerimi prishet nese pastrohen me paste ose me miswak artificijal, na thojn se kur te lexoni dhe keni dicka te pakuptushem pyetni hoxhallaret eshte me mire, se ju jep spjegimin e qart, Allahu te shperblefte!

/ 09-1-2011

1. Per agjerimin vullnetar nuk eshte kusht qe nijeti te behet qe me nate, por lejohet te behet edhe gjate dites, duke u bazuar ne hadithin e transmetuar nga Aisha (radiallahu anha) e cila thote: "Nje dite, i Derguari i Allahut (salallahu alejhi ue selem) me pyeti: "O Aishe! A keni gje (per te ngrene)?" -Une i thashe: "Jo, nuk kemi asgje." -Atehere une po agjeroj, -tha i Derguari i Allahut (salallahu alejhi ue selem)." [Muslimi, etj.] Hadithi eshte i qarte se berja e nijetit per agjerimin vullnetar lejohet te behet gjate dites, por nuk e tregon qarte se deri ne cfare kohe te dites lejohet kjo gje, keshtu qe dijetaret kane bere perpjekjet e tyre dhe disa e kufizojne kohen e nijetit deri ne mesdite, kurse te tjere e lejojne edhe pas mesdites, por me kusht qe te mos kesh ngrene e pire dhe te mos kesh kryer asnje veper qe e prish agjerimin deri ne kohen kur e ben nijetin, e Allahu e di me mire.

2. Shejh Iben Uthejmin u pyet per perdorimin e pastes se dhembeve gjate dites se Ramazanit nga agjeruesi, dhe ai u pergjigj: "Nuk ka problem qe te perdoret pasta e dhembeve nga agjeruesi nese nuk kalon gje prej saj ne bark, por me paresore eshte qe te mos perdoret sepse ajo ka nje depertim te forte dhe mund te kaloje ne bark pa u ndjere nga njeriu, prandaj edhe i Derguari i Allahut (salallahu alejhi ue selem) i tha Kajt iben Sabra-s (Aradiallahu anhu): "Fute mire dhe thelle ujin ne hunde, pervec nese je agjerueshem." Pra, me mire eshte qe agjeruesi te mos e perdore pasten e dhembeve, por ta vonoje deri sa te cele iftarin dhe keshtu eshte ruajtur nga frika e prishjes se agjerimit." [Fetvate e dijetareve te vendeve te shenjta, faqe 906].

(Pyetja Nr. 15) Lidita / Prishtine / 04-10-2010

Message: Selam alejkum, Hoxhe i nderuar, a ka mundesi te me spjegoni se cfare eshte dobia e agjerimit te DITEVE TE BARDHA te cdo muaji qe jane nga 3 dite, sepse i agjerojme por nuk e di dobine se per cka eshte? Allahu ju shperbleft!

/ 10-10-2010

I Derguari i Allahut (salallahu alejhi ue selem) ka thene: "Agjeroni ditet e bardha, diten e 13-te, 14-te dhe 15-te te cdo muaji, sepse ato jane thesari i kohes." Ne nje transmetim tjeter thuhet: "ato jane sikur te agjerosh gjithe kohen", dhe ne nje tjeter: "sikur te kesh agjeruar te gjithe muajin." E shperblimi i agjerimit dihet tashme qe ate e ka ne dore Allahu dhe e jep pa mase.

(Pyetja Nr. 14) Genti / 29-09-2010

Message: Selamu alejkum, doja me te bere nje pyetje, ne lidhje me festen e bajramit, duke qene se ka pasur mosperputhje per agjerimin 29 dit apo 30 dite. Pyetja eshte teksualisht ne nuk kemi persona qe te verejne henen, dhe kalendari eshte bere nje vit me pare, pse duhet te ecim me sistemin e mesiperm dhe te leme sunetin, dhe si e argumentoni te kunderten, gjithnje brenda kunturit te islamit?

/ 01-10-2010

Kesaj pyetje i kemi dhene pergjigje, dhe kur veprojme ashtu si vepron populli i vendit ku ndodhesh dhe ashtu si urdherojne drejtuesit fetar te atij vendi nuk e ke lene sunetin, por ajo qe po ben eshte pikerisht zbatimi i sunetit, sepse i Derguari i Allahut (salallahu alejhi ue selem) ka thene: "Agjerimi fillon kur e fillojne njerezit dhe festa festohet kur e festojne njerezit." Kurse hadithet qe flasin per parjen e henes i drejtohen parise muslimane qe kane persiper ceshtjet e popullit, perndryshe do te behej rremuje dhe secili do te vepronte sipas qefit, gje te cilen Islami e ndalon me se shumti, prandaj edhe e lufton percarjen dhe ndarjen ne grupe e parti, prandaj kujdes ne praktikimin e gabuar te nje vepre ne llogari te nje vepre tjeter dhe kthehuni tek dijetaret, sepse ata dine te bashkojne mes argumenteve dhe te japin pergjigje dhe zgjidhje ne rast te papriturash dhe mospajtimesh. Lusim Allahun t'i bashkoje muslimanet ne te verteten dhe te mos lejoje percarje mes tyre! Allahu e ka ne dore suksesin.

(Pyetja Nr. 13) Anonim / 30-06-2010

Message: eselam ualejkum. ALLAHU na forcofte ne fene e Tij, na e shtofte dijen dhe imanin AMIN! dua te me shpjegoni si duhet te veproj nje femer muslimane, kur i takon te jet ne muajin e 8-9 te shtatzanis tani per ramazan. duhet te ushqej per cdo dite nga nje te varfer apo nese mundet brenda kohes para ramazanit tjeter ta plotesoj ate duke agjeruar nga pak dite ne muaj, duke e ditur qe nuk mund te agjeroj per shkak te gjidhenies. [2] Si duhet te veprojm ne prinderit me foshnjat e porsalindur. cfare rritesh fetare duhet te praktikojm. nese i kendohet ezani apo ikameti, qethja nese eshte femer apo mashkull, e shume te tjera pere te dyja gjinite. Ju lutem na shpjegoni sa me qarte, e me sakte. ALLAHU jua shperbleft!

/ 03-07-2010

1. Gruas shtatzene dhe me femije ne gji, i lejohet te mos agjeroje por te ushqeje cdo dite nga nje te varfer. Transmetohet nga Enes ibën Maliku[27] se ka thënë: “Kuajt e të Dërguarit të Allahut (Paqja dhe Bekimi i Allahut qofshin mbi të!) erdhën drejt nesh me furi, dhe unë shkova te i Dërguari (Paqja dhe Bekimi i Allahut qofshin mbi të!) të cilin e gjeta duke ngrënë. Ai (Paqja dhe Bekimi i Allahut qofshin mbi të!) tha: “Afrohu dhe ha.” Unë thashë: “Unë jam agjërueshëm.” Ai (Paqja dhe Bekimi i Allahut qofshin mbi të!) tha: “Afrohu, të të tregoj për agjërimin. Vërtet, Allahu e ka shkurtuar namazin përgjysmë për udhëtarin dhe e ka larguar barrën e të agjëruarit nga gruaja shtatzënë dhe gruaja gji-dhënëse” Për Zotin! I Dërguari (Paqja dhe Bekimi i Allahut qofshin mbi të!) e tha këtë për të gjithë këta. Atëherë, si të mos e ha ushqimin e të Dërguarit (Paqja dhe Bekimi i Allahut qofshin mbi të!)."[28]

2. Me poshte po permendim shkurt ne pika se çfare eshte e pelqyer apo e detyruar ne lidhje me femijen e posalindur:

Menjëherë pas lindjes:
1. Falënderimi i Allahut për dhuratën e Tij.
2. Është e pëlqyeshme t’i futet në gojë pak hurmë arabe e përtypur, siç veproi Pejgamberi (salallahu alejhi ue selem) me fëmijën e posalindur të Ebu Musa el Eshari (radiallahu anhu), sic transmetohet ne dy sahihat e Buhariut dhe Muslimit.
3. Thirrja e ezanit dhe e ikametit nuk është e qëndrueshme në këtë rast, sepse kjo gjë ka ardhur në dy hadithe, njëri prej të cilëve është i trilluar kurse tjetri i dobët, kështu që nuk merren për argument.

Në ditën e shtatë të lindjes:
1. Rruajtja e kokës, dhe dhënia sadaka aq gram argjend sa peshojnë flokët e tij apo të saj, njësoj si për mashkullin edhe për femrën. Argument për këtë është urdhri i Pejgamberit (salallahu alejhi ue selem) vajzes së tij, Fatimes, kur ajo lindi Hasenin.
2. Vendosja e emrit, gjë e cila lejohet edhe më parë, por deri në ditën e shtatë duhet të jetë vendosur emri i fëmijës, dhe duhet kujdesur që t’i vendoset emër i bukur dhe me kuptim të mirë.
3. Bërja sunet, gjë e cila është prej suneteve të natyrshmërisë njerëzore, dhe është obligim për muslimanin mashkull dhe fisnikëri për femrën, që të bëhet sunet në qoftë se nuk është bërë më parë, dhe të bëjë synet fëmijët e tij, që në ditët e para të lindjes së tyre, dhe më e preferuar është dita e shtatë e lindjes, siç ka ardhur në hadithin e Xhabirit, ku thuhet se Pejgamberi (salallahu alejhi  ue selem) therri akika (dash) për Hasanin dhe Hysenin në ditën e shtatë të lindjes së tyre, si dhe i bëri synet po në këtë ditë. Po kështu, kanë ardhur hadithe ku Pejgamberi (salallahu alejhi ue selem) e ka porositur një grua që merrej me bërjen synet të grave, që të mos i priste shumë, sepse kjo është më e mirë për të dhe më e dashur për burrin e saj.
4. Akika, që do të thotë therja e një kafshe në emër të posalindurit, dhe që është sunet i fortë, bazuar në fjalën dhe veprën e Pejgamberit (salallahu alejhi ue selem), sic ka ardhur në Sahihun e Buhariut: “Me lindjen e djalit therret akika, prandaj derdhni gjak në emër të tij dhe largoni prej tij të keqen që e dëmton!”
Për djalin therren dy desh apo dele, kurse për vajzën, vetëm një, bazuar në hadithin e Aishes (radiallahu anha) që e transmeton Ahmedi dhe Tirmidhiu me zinxhir të saktë transmetuesish.
Akika therret në ditën e shtatë, e nëse nuk e bën këtë ditë, atëherë në ditën e 14-të, e nëse jo, në të 21-tën, sic transmetohet nga Aisha (radiallahu anha). E nëse nuk mundet, atëherë në çdo ditë që t’i jepet mundësia prej vitit apo viteve, por e rëndësishme që të bëjë akika kur t’i jepet mundësia, e kujt nuk i jepet mundësia dhe vdes pa bërë akika, ai nuk ka ndonjë gjynah, sepse Allahu nuk detyron askënd përtej mundësive që ka.
Rregullat e akikas janë njësoj si ato të kurbanit që therret në bajramin e kurbanit, pra kafsha duhe te jete pa defekte fizike dhe prej mishit te saj hahet, dhurohet dhe ushqehen te varferit, njesoj si me kurbanin.

Allahu i dhurofte muslimaneve femije te mbare e te devotshem, dhe i udhezofte femijet e muslimaneve ne kapjen per fene e Tij! Paqja dhe bekimet e Allahut qofshin mbi te Derguarin e Tij, familjen, shoket e tij, dhe te gjithe ata qe ndjekin rrugen e tij deri ne diten e Kiametit!

(Pyetja Nr. 12) Amer / Greqi / 05-02-2010

Message: vella bledi, Allahu ua shperblefte per mundimin tuaj! Pytja ime eshte se para ca vitesh pranova islamin  mirepo namazin e falja regullishte por agjerimin jo, sepse isha ne nje pun shum te rend. Disa djetar kan mendimin qe te plotesohet, une si tja baj sepse isha musliman?

/ 08-02-2010

Ju duhet te plotesoni ato dite qe i keni lene manget nga Ramazani i atij viti, sepse puna e rende nuk e rrezon agjerimin e Ramazanit dhe nuk e justifikon mosagjerimin e tij. Te gjithe dijetaret thone se duhet te agjerosh ato dite qe ke lene manget dhe jo vetem disa, sepse ky eshte ligji i sheriatit. Allahu ta mundesofte ty dhe te gjithe muslimaneve zbatimin e ligjeve te Allahut dhe largimin nga ndalesat e Tij, me qellim qe te arrijne pelqimin e Allahut dhe shperblimin e Tij te madh ne te dyja botet!

(Pyetja Nr. 11) Amrah / Kosovë / 04-01-2010

Message: es selam alejkum. Nese nje vit nuk ke pasur mundsi te agjerosh muajin e Ramazanit pastaj te ka zene Ramazani tjeter pa agjeru ditet per shkak te gjidhenies, a duhet vetem me agjeru ditet apo duhet me agjeru edhe me ushqy nje te varfer?

/ 05-01-2010

Ne lidhje me vonimin e agjerimit te diteve te lena mangut nga Ramazani i kaluar deri sa hyn Ramazani tjeter pas tij, ka mospajtim ne mesin e dijetareve nese duhet te agjerohen ato dite pas Ramazanit te dyte bashke me ushqimin e nje te varfri per cdo dite, apo mjafton vetem agjerimi i atyre diteve? Mendimi me i sakte eshte se mjafton vetem agjerimi, sepse Allahu thote: "Ndërsa ai i cili është i sëmurë ose në udhëtim, të agjërojë po aq ditë në ditët e mëvonshme. Allahu do lehtësim për ju dhe nuk do vështirësim. Plotësoni ditët e agjërimit[154] dhe madhëroni Allahun[155] për atë se ju ka udhëzuar, në mënyrë që të falënderoni[156]." [El Bekare, 185]. Pra, Allahu nuk ka urdheruar gje tjeter perveç agjerimit ne kete rast. [Nga nje fetva e shejh Iben Uthejminit, ne librin "Mexhmuu Fetava ue Rasail Iben Uthejmin", kapitulli i Agjerimit].

(Pyetja Nr. 10) Ebu Ensar / Kosovë / 14-12-2009

Message: ES SELAMU ALEJKUM. Hoxhë i nderuar gruas sime i kanë ikur tre vite agjerime në njëren prej viteve që nuk ka agjeruar ka qenë gjidhënse, ndersa dy vitet e tjera të mosagjerimit ka  qenë për shkaqe  shendetsore, pra si duhet të veprojë në këtë rast? ALLAHU ju shpërbleftë me xhennet!

/ 22-12-2009

Per ditet e prishura nga Ramazani per shkak te gjidhenies, te ushqeje nje te varfer per cdo dite te prishur, kurse per ditet kur ka qene e semure, duhet te agjeroje aq dite sa ka prishur ne ditet e mevonshme, kur eshte e shendetshme. E Allahu eshte i Gjithedijshmi.

(Pyetja Nr. 9) Anonim / Kanada / 24-11-2009

Message: eselamu alejkum.
Në lidhje me pyetjen ...: kisha lexuar në një website se është sunah te agjërohen nëntë ditët e dhul-hixhes profeti (salallahu alejhi ue selem)kishte agjëruar nëntë ditët e dhul hixhës sipas shpjegimit në këtë website. po ju citoj një paragraf nga ky website. paragrafi është në anglishte, po jua them përmbajtjen me përafërsi. ky është websiti http://www.islam-qa.com/en/ref/49042. fatua nr. 49042
Në anglisht:
1 – Fasting: It is Sunnah for the Muslim to fast on the first nine days of Dhu’l-Hijjah, because the Prophet (peace and blessings of Allaah be upon him) encouraged us to do righteous deeds in the first ten days of Dhu’l-Hijjah, and fasting is one of the best of deeds, which Allaah has chosen for Himself as it says in the hadeeth qudsi: “Allaah says: ‘All the deeds of the son of Adam are for him, except fasting, which is for Me and I shall reward for it.” Narrated by al-Bukhaari, 1805.

The Prophet (peace and blessings of Allaah be upon him) used to fast on the first nine days of Dhu’l-Hijjah. It was narrated from Hunaydah ibn Khaalid from his wife, that one of the wives of the Prophet (peace and blessings of Allaah be upon him) said: The Prophet (peace and blessings of Allaah be upon him) used to fast on the first nine days of Dhu’l-Hijjah and the day of ‘Ashoora’, and three days each month, the first Monday of the month and two Thursdays. Narrated by al-Nasaa’i, 4/205 and by Abu Dawood; classed as saheeh by al-Albaani in Saheeh Abi Dawood, 2/462. "

Në shqip:
Është sunet që muslimanët të agjërojnë nëntë ditët e para të dhul hixhës sepse profeti (salallahu aleji ue selem)  inkurajontë ne që të bënim vepra të mira në këto  thjetë ditët e para të dhul hixhës dhe agjërimi është një nga veprat më të mira, që Allahu ka zgjedhur për  Veten e Tij, thuhet në një hadith kudsi Allahu thotë,
“Të gjitha punët e mira të birit të ademit janë për të, përveç agjërimit që është për mua,dhe Unë do ta shpërblej për këtë .” trasmeton Buhari 1805.
Profeti (salallahu aleji ue selem) agjëronte në nëntë ditët e para të dhul hixhes.
Është trasmentuar nga Hunajdah ibn Khalid nga gruaja e tij se një nga gratë e profetit( salallahu aleji ue selem) ka thëne “profeti (selallahu aleji ue selem) agjëronte në nëntë ditët e para të dhul hixhës,dhe ditën e ashures dhe  tre ditë nga cdo muaj. dhe të hënën e parë të cdo muaji,dhë dy të enjte.” Trasmetuar nga al-Nasaai,4/205 dhe nga Abu Daud.  Albani e ka klasifikuar si sahih në Sahih Abu Daud 2/462.
Tani jam pak e ngatëruar.????? Eshtë apo jo sunah të agjërohen nëntë ditët e para të dhul hixhës?

/ 24-11-2009

Hadithi ne fjale eshte i diskutueshem tek dijetaret e hadithit dhe shume prej tyre e konsiderojne te dobet ate, per shkak te Hunejde iben Halid. Per kete ka ardhur edhe hadithi i transmetuar nga Aisha (radiallahu anha), i nxjerre nga Muslimi, ku thuhet se ajo nuk e ka pare Profetin (salallahu alejhi ue selem) te agjeroje ne keto dite." Megjithate, dijetaret kane bashkuar mes ketyre transmetimeve dhe hadithit te sakte te Iben Abasit, i nxjerre nga Buhariu e te tjere, ku i derguari i Allahut thote se nuk ka dite ne te cilat veprat e mira te jene me te dashura te Allahu se sa keto dhjete dite, madje as xhihadi ne rrugen e Allahut, perveç atij qe del ne xhihad bashke me pasurine e tij dhe nuk kthehet me asgje prej ketyre. Dhe ketu perfshihet edhe agjerimi si pune e mire, keshtu qe dijetaret kane thene se agjerimi i ketyre nente diteve eshte i pelqyeshem madje shume dhe aspak i urrejtur. Ne fetvane nr. 7233, te El Lexhne eD Daime, thuhet: "Nuk eshte vertetuar, me sa dime ne, qe Profeti (salallahu alejhi ue selem) te kete agjeruar dhjete ditet e para te dhul hixhes, dmth nente ditet para dites se festes, por ai (salalahu alejhi ue selem) ka nxitur per berjen e veprave te mira ne keto dite, siç ka ardhur ne hadithin e Iben Abasit ... Allahu eshte Ai qe jep sukses dhe paqja e bekimet e Tij qofshin mbi te Derguarin e Tij, Muhamedin, familjen dhe shoket e tij!"

(Pyetja Nr. 8) Anonim / 16-11-2009

Message: selam alejkum, desha te pyesja vlla per nje person qe ka disa vite qe ka len nje agjerim ramazani dhe tani po mundohet me plotesu ate gabim qe ka bere duke agjeru. Por ai nuk esht se po agjweron per dite por me dite te te vecuara? qysh esht gjykimi per ket ceshtje a duhet me agjeru per dite apo me dite te vecume dhe a ben ky me agjeru diten e Arafatit duke dit se nuk ka plotesu hala ramazanin? Allahu ua shperblefte!

/ 20-11-2009

Çdo musliman qe e le nje apo disa dite nga agjerimi i detyrueshem i Ramazanit pa arsye te konsideruar ne Islam, siç eshte udhetimi apo semundja, ai ka bere gjynah te madh dhe shlyerja e ketij gjynahu behet duke u penduar tek Allahu sinqerisht dhe duke plotesuar ato dite qe i ka lene pa agjeruar ne ditet e movonshme, pa qene kusht agjerimi i ketyre diteve njera pas tjetres, por sipas mundesise, duke pasur parasysh se duhet te nxitoje ne agjerimin e tyre sepse nuk i dihet vdekjes dhe ato jane borxh mbi te. Lejohet qe ky person te agjeroje diten e Arafatit dhe dite te tjera nga dhjetediteshi i pare i Dhul Hixhes, por duke e bere nijetin per agjerimin e diteve te lena pa agjeruar nga Ramazani. Ky eshte edhe mendimi i shejh Iben Baz, ne kete çeshtje, te cilin e ka dhene ne Diten e Arafatit, ne vitin 1418 H. E Allahu eshte Falesi me i Madh, Meshireploti.

(Pyetja Nr. 7) Iben Sebil / 1-10-2009

Message : Selamun alejkum. Doja te pyesja ne lidhje me agjerimin e dites se shtune, sepse Shejh Albani (Allahu e meshirofte) ka bere nje hadith sahih ne te cilin nuk lejohet te agjerosh te shtunen vecse kur eshte obligim, ndersa shume shujukhe te tjere e kane bere hadithin te pasakte? Doja nje sqarim me te hollesishem apo nje komentim me te gjere nga te dyja palet ne qoftese mundeni? Allahu ua shperblefte me te mira si ne kete bote edhe ne tjetren!

/ 10-10-2009

Ne lidhje me agjerimin e dites se shtune ka mospajtime ne mesin e dijetareve, qe heret, dhe shkaku i mospajtimit eshte kundershtimi i jashtem mes haditheve qe e lejojne agjerimin e dites se shtune dhe atyre qe e ndalojne ate. Hadithi qe e ndalon agjerimin e dites se shtune eshte i sakte dhe per kete nuk ka dyshim. Nuk eshte shejh Albani i vetmi dhe as i pari qe e ka konsideruar te sakte ate hadith, por kundershtimi qendron ne kuptimin e ketij hadithi.

Teksti i hadithit qe e ndalon agjerimin e dites se shtune: Abdullah iben Busr trasnmeton nga motra e tij se Pejgamberi (salallahu alejhi ue selem) ka thene: "Mos e agjeroni diten e shtune pervecse ne agjerimin e detyrueshem, dhe nese ndokush nga ju nuk gjen te haje tjeter gje vecse levore rrushi apo dege peme, le ta pertype ate!" E ka nxjerre Ebu Daudi, Tirmidhiu dhe Iben Maxheh. Shejh Albani e ka konsideruar te sakte ne "El Irva", 960. Tirmidhiu shton: "Domethenia e ndalimit ne kete hadith eshte qe te veçohet dita e shtune me agjerim, sepse çifutet e madherojne kete dite.

Kurse prej haditheve qe e lejojne agjerimin e dites se shtune te bashkuar me nje dite tjeter, permendim hadithin e transmetuar nga Ebu Hurejra se ka degjuar Pejgamberin te thote: "Askush te mos e agjeroje diten e premte, perveç nese agjeron nje dite para saj ose nje dite pas saj." [E ka nxjerre Buhariu dhe Muslimi].

Po keshtu transmetohet nga Xhuvejrije bintul Harith (radiallahu anha) se Pejgamberi hyri tek ajo nje dite te xhumaje dhe ajo ishte agjerueshem, e ai i tha: "A agjerove dje?" Ajo iu pergjigj: "Jo!" Ai i tha: "A do te agjerosh neser?" Ajo i tha: "Jo!" Ai i tha: "Atehere prishe agjerimin!" [Buhariu].

Po keshtu ka ardhur hadith i sakte te Buhariu dhe Muslimi ku thuhet se Pejgamberi ka thene: "Agjerimi me i dashur tek Allahu eshte agjerimi i Daudit (alejhi selam), i cili nje dite agjeronte dhe nje dite hante."

Shejh Albani, duke u bazuar ne rregullat e pergjithshme te usuli fikhut, i jep perparesi hadithit te ndalimit mbi hadithin e lejimit te agjerimit ne diten e shtune. Dhe ky rregull eshte i njohur nga dijetaret. Por dijetare te tjere bejne nje harmonizim tjeter mes ketyre haditheve, duke thene se agjerimi i dites se shtune nuk lejohet nese vecohet me agjerim ajo dite, por nese agjerohet e xhumaja bashke me te, ose e djela, atehere lejohet. Dhe po keshtu lejohet te agjerohet dita e shtune ne rast se qellon dita e Arafatit, apo dita e Ashures, ose qellon dite agjerimi per ate qe agjeron nje dite po dhe nje dite jo, etj. Ajo qe mendojme se eshte me e sakta ne kete ceshtje, eshte bashkimi mes haditheve sipas menyres qe ka ndjekur shumica e dijetareve te hershem e bashkekohore, dmth qe lejohet te agjerohet dita e shtune e bashkuar me te premten ose te djellen, apo per ato qe kane bere tradite nje agjerim qe ka ardhur ne sunet, sic eshte agjerimi cdo dy dite, apo agjerimi i 3 diteve te neteve te bardha te cdo muaji, etj. e Allahu e di me mire.

(Pyetja Nr. 6) Nevila / Londër / 27-9-2009

Message : eselamu  alejkum  ve  rahmetullahi ve  berekatuhu.  Nje  moter  me  tha  se  ka  degjuar  nje  hoxhe  se  kishte  thene  per  ditet qe  i  kane  mbetur  nga  te  permuajshmet munet  me  i  bashkua  me  6 ditet  e shevalit  me  i  krye  per  nji  here. Sa  e  vertete  ashte kjo dhe a  ka  baze  kune,  apo  thanje  e  kote? Allahu  te  shperblefte  me  xhenetin  firdeus!

/ 28-9-2009

Nuk lejohet te bashkohet agjerimi farz i plotesimit te diteve te lena mangut ne Ramazan me agjerimin e 6 diteve vullnetare nga muaji Sheval me te njejtin nijet. Ky eshte mendimi me i sakte ne kete çeshtje edhe pse ekziston mendim tjeter te disa dijetare te medhhebeve te ndryshme qe e lejojne kete gje. Por kundershtimi me i madh qendron ne ate se a duhet te agjerohen se pari ditet e lena nga Ramazani, apo 6 ditet e Shevalit? Mendimi me i sakte ne kete ceshtje eshte se se pari duhen agjeruar ditet e lena borxh nga Ramazani, dhe pastaj te agjerohen 6 ditet nga Shevali, dhe megjithese kundershtimi ne kete ceshtje eshte i konsiderueshem, por me e sakta eshte ajo qe thame sepse perkrahet me shume nga argumentet dhe kuptimi i tyre, sic eshte hadithi ku Pejgamberi (salallahu alejhi ue selem) thote: “Kush e agjëron muajin e Ramazanit pastaj e përcjell me gjashtë ditë të muajit Sheval, do të shpërblehet si të kishte agjëruar tërë vitin”. Nga hadithi kuptohet qe se pari duhet te plotesohet agjerimi i Ramazanit qe te quhet se e ke agjeruar Ramazanin te gjithe, pastaj te agjerohen ditet vullnetare nga Shevali, nese eshte mundesia, e nese jo, atehere Allahu e di mundesine e robit te Tij kur ka nijetin per te vepruar mire, dhe pervec kesaj, ka edhe agjerime te tjera vullnetare sic eshte agjerimi i te henes dhe i te enjtes ne te gjitha muajt e vitit, dhe shperblimi i agjerimit eshte shume i madh tek Allahu. E Allahu e di me mire dhe ne Doren e Tij eshte sukesi.

(Pyetja Nr. 5) Besimtare / 18-4-2009

Message: selam alejkum, Allahu te shperbleft per ndihmen qe po u jep muslimaneve. Kisha nje pyetje: "une jam me femije te vogel dhe e kam ne gji e nuk mundem te shlyej agjerimin e muajit te ramazanit qe kaloi me agjerim, por desha ta kompesoj duke ushqyer te varfer ngaqe kam lexuar qe lejohet ne kete menyre ne qoftese nuk mundesh te agjerosh. Doja te dija se ne cfare menyre duhet ta ushqej te varferin? Sa eshte racioni i tij perdite? A lejohet qe tia jap te pabere ushqimin  dhe ai ta gatuaje vet apo duhet tia gatuaje une?

/ 22-4-2009

Per çdo dite agjerimi te paagjeruar duhet te ushqesh nje te varfer nje vakt ne dite, aq sa ha nje pjesetar i familjes normalisht apo mesatarisht, dhe nuk eshte kusht qe te jepet i gatuar, por mund te jepet i pagatuar, qofte oriz apo ndonje ushqim tjeter qe mjafton per nje vakt. Po keshtu lejohet qe te ftoje njeheresh aq te varfer sa dite ka prishur nga Ramazani. Lexo me teper per agjerimin dhe rregullat e tij, ketu.

(Pyetja Nr. 4) Nardi / Fier - Shqipëri / 22-1-2009

Message: selamu alejkum Allahu ju shperbleft per punen qe beni desha te pyes rreth agjerimit eshte lene 2 vjet rjesht per arsye tani eshte mir me shendetin si duhet te agjeroj te prapambeturat te hen te enjte apo dit per dit 2 muaj rresht? Allahu ju ruajte!

/ 28-1-2009

Kush i le pa agjeruar ditet e prapambetura nga Ramazani deri sa hyn Ramazani tjetjer, ai duhet te agjeroje ditet e mbetura dhe te ushqeje nje varfer per çdo dite agjerimi. Nuk eshte kusht qe ditet qe agjerohen te jene njera pas tjetres.

(Pyetja Nr. 3) Fisniku / Mitrovicë / 13-12-2008

Message: Selamun Alejkum vella i nderuar, juve edhe lexuesit e kesaj faqe kaq te mirefillt. Pyetja ime eshte me sa vijon: "Prindi im ishte i semure gjate kohes se Ramazanit dhe nuk ka pas mundesi te agjeroj dhe pas nje kohe te shkurt nderroi jete dhe e lus Allahun ta Meshiroj. A duhet te kompensohet me dic dhe qfare eshte e preferuar te bejne pasardhesit qe mund ti shkoj shperblimi te vdekurit? Allahu ju shperblefte.

/ 13-12-2008

Lusim Allahun ta meshiroje dhe ta fale babane tend! Per ate person qe eshte i semure dhe nuk ka mundesi te agjeroje Ramazanin, shikohet lloji i semundjes: nese semundja ka qene e pasherueshme, apo semundje e cila nuk shpresohej te sherohej, atehere detyrimi per te semurin eshte qe te ushqeje nje te varfer per çdo dite agjerimi. E nese semundja eshte e lehte dhe pritet te sherohet, por Allahu ka caktuar vdekjen, atehere nuk ka asnje lloj detyrimi per te, as kompensim dhe as agjerim nga i afermi, per shkak se kjo lloj semundje nuk ben te detyrueshme ushqyerjen e nje te varfri, por agjerimin e mevonshem nga vete i semuri, e nese ai vdes, atehere detyrimi rrezohet nga ai dhe nga pasardhesit e tij.

Pasardhesit e te vdekurit duhet te bejne lutje dhe te japin lemoshe per te. Mund te bejne haxhin per te, nese ai nuk e ka bere dhe e ka lene porosi, ose qe nuk e ka lene porosi, sipas nje mendimi te dijetareve. Kjo eshte natyra e gjerave qe i shkojne te vdekurit pas vdekjes se tij, siç ka thene Pejgamberi (salallahu alejhi ue selem): "Kur njeriu vdes, atij i nderpriten te gjitha veprat, perveç tre gjerave: lemosha e vazhdueshme, dija e dobishme nga e cila perfitojne njerezit dhe femija i mire qe lutet per te." [Muslimi, etj].

Allahu eshte i Gjithedijshmi. Paqja dhe bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

(Pyetja Nr. 2) Sara / 7-12-2008

Message: Selam alejkum
Nje person nuk e ka agjeru ramazanin se ne kohen kur ke muaji i shenjt aj person ka qen ne humbje {ka qen ne sektin e humbur te shijave} tash e ka kuptuar se shijat jan ne humbje edhe deshiron te falet te agjeroj ... e pyttja esht kjo se : A e ka obligim te agjeroj dit qe si ka agjeruar {krejt muajin meqense nuk ka agjeru as nje dit te ramazanit} para se te vij Ramazan apo jo?
Allahu ju shperbleft.

/ 7-12-2008

Personi ne fjale duhet te plotesoje ditet e lena mangut, qofte edhe nese ka lene te gjithe muajin e Ramazanit pa agjeruar, por pa kushtezuar njepasnjeshmerine ne agjerimin e tyre. Kjo sepse agjerimi ka qene obligim per te edhe ne kohen kur ka qene ne rrugen e gabuar te shiave, keshtu qe obligimin ai e ka mbi shpine deri sa ta kryeje. Ne e pergezojme kete person per kthimin nga rruga e gabuar ne rrugen e drejte dhe ai duhet te falenderoje Allahun qe ia ka mundesu kete gje. Allahu eshte Ai qe jep sukses dhe paqja e bekimet e Allahut qofshin mbi pejgamberin tone, familjen, shoket dhe te gjithe ata qe ndjekin rrugen e tij deri ne diten e Kiametit!

(Pyetja Nr. 1) Anonim / Kosovë: / 18-4-2008

Message: Es-selamu Alejkum!
Vella, Allahu ju shperbleft per mundin e dhene.
Desha t'ju pyes, para disa vjetesh kam agjeruar ramazanin mirpo nuk ju kam permbajtur fese si duhet, keshtu qe ne kohen e ciklit mujor nuk kam agjeruar, mirpo nuk e kam dite se duhet te kompenzohen ato dite, dhe tash nuk e di sa dite me kan mbet per kompnezim sepse i kam harruar! as nuk e di sa dite ne ramazan me kan mbet e as nuk e di sa ramazana i kam agjeruar ne kete gjendje!! Allahu ju shperbleft per kete pune qe po e beni.

/ 19-4-2008

Njeriu nuk merr gjynah per ate qe nuk e di, por mosdija nuk e rrezon obligimin, keshtu qe ato dite te Ramazanit qe nuk i ke agjeruar, duhet t'i agjerosh dhe asgje tjeter, sipas mendimit me te sakte te dijetareve. Llogaritjen e diteve te humbura per çdo Ramazan, duhet ta besh sipas numrit te diteve te periodave qe ke zakonisht, sepse numri i diteve te periodave nuk ndryshon ne shumicen e rasteve. E nese ka pasur çrregullim te tyre, atehere merr per baze numrin me te madh te diteve qe mund te kesh pasur, sepse kjo eshte me e sigurte. Ndersa per numrin e viteve te kaluara, duhet te gjesh nje menyre per kujtimin e tyre, sepse nuk eshte shume e veshtire te kujtosh kur ke filluar te agjerosh per here te pare. Ndersa Ramazanet e kaluara para udhezimit ne Islam dhe ne praktimin e ligjeve te tij, ato nuk ke obligim t'i kompensosh, sipas mendimit me te sakte te dijetareve.

Allahu eshte Ai qe jep sukses, dhe paqja dhe bekimet e Allahut qofshin mbi te derguarin tone, Muhamedin, familjen dhe shoket e tij!